అనుకున్నట్లుగానే తాజాగా తన సెకండ్ మూవీని అనౌన్స్ చేశాడు. ఈ సినిమాకు ‘దొంగ నా కొడుకు’ అనే ఇంట్రెస్టింగ్ టైటిల్‌ను పెట్టారు. చాలా మంది రోజు వాడే ఊత పదాల్లో ఇది ఒకటి. కొన్ని సార్లు కామెడీగా, కొన్ని సార్లు సీరియస్‌గా తిట్టే ఈ పేరును.. ఏకంగా సినిమా టైటిల్‌గానే పెట్టుకున్నాడంటే ఈ సారి కంటెంట్ మాములు ఎంటర్‌టైనింగ్‌గా ఉండదు అనే క్లారిటీ ఇచ్చాడు.

ఈ సినిమాను టాలీవుడ్ అగ్ర నిర్మాణ సంస్థ మైత్రి మూవీ మేకర్స్ నిర్మిస్తుంది. వరుస విజయాలతో భారీ సినిమాలు నిర్మిస్తున్న ఈ సంస్థ ఇప్పుడు మౌళి సినిమాపై కూడా ప్రత్యేక దృష్టి పెట్టింది. కొత్త కథలు, కొత్త టాలెంట్‌కు ప్రాధాన్యం ఇస్తూ ఈ ప్రాజెక్ట్‌ను ప్రేక్షకుల ముందుకు తీసుకొస్తోంది. దీంతో ఈ సినిమాపై ఇండస్ట్రీలో కూడా మంచి అంచనాలు ఏర్పడ్డాయి.

ఈ సినిమాకు శ్రీను కంబాల కథను అందించడంతో పాటు దర్శకత్వ బాధ్యతలు కూడా చేపట్టాడు. పూర్తి స్థాయి క్రైమ్ కామెడీ డ్రామాగా ఈ సినిమా రూపుదిద్దుకుంటోంది. క్రైమ్ అంశాలను వినోదంతో మేళవిస్తూ అన్ని వర్గాల ప్రేక్షకులను ఆకట్టుకునేలా కథను రూపొందించినట్టు సమాచారం. కామెడీతో పాటు థ్రిల్లింగ్ ఎలిమెంట్స్ కూడా ఈ సినిమాలో కీలకంగా ఉండబోతున్నాయని చిత్ర వర్గాలు చెబుతున్నాయి.

మౌళి సరసన సుస్మితా శెట్టి హీరోయిన్‌గా నటిస్తోంది. ఈ జంట తెరపై కొత్తగా కనిపించబోతుండటంతో ప్రేక్షకుల్లో ఆసక్తి నెలకొంది. సంగీత బాధ్యతలను సింజిత్ యెర్రమిల్లి చేపట్టగా, సినిమాటోగ్రఫీని సూర్య బాలాజీ అందిస్తున్నారు. సాంకేతికంగా కూడా సినిమాను ఉన్నత స్థాయిలో తెరకెక్కించేందుకు చిత్రబృందం కసరత్తు చేస్తోంది.