ఈ నమ్మకాన్ని ఆసరాగా చేసుకున్న నిందితుడు, బాధిత మహిళ ఇంట్లోనే ఆమెపై అనేకసార్లు అత్యాచారానికి ఒడిగట్టాడని మహారాష్ట్ర పోలీసుల ఎఫ్ఐఆర్ నివేదిక తెలిపింది. శారీరకంగానే కాకుండా ఆర్థికంగా కూడా ఆమెను తీవ్రంగా వాడుకున్నాడు. వివిధ అవసరాల పేరుతో ఆమె దగ్గర నుంచి ఏకంగా రూ.41 లక్షల 25 వేలు లాగాడు. అతని అకృత్యాలు అంతటితో ఆగలేదు.. ఫోర్జరీ పత్రాలు సృష్టించి.. ఆ మహిళకు చెందిన ఒక కారును అక్రమంగా అమ్మేందుకు యత్నించాడు. అలాగే ఆమెకు చెందిన మరో కారును అనధికారికంగా తన ఆధీనంలోకి తీసుకున్నాడు.

తాజాగా అతను తరచూ తప్పించుకు తిరుగుతున్నాడు. అతని ప్రవర్తనపై అనుమానం వచ్చిన బాధిత మహిళ, తాను నిలువునా మోసపోయానని గ్రహించి వెంటనే స్థానిక పోలీసులను ఆశ్రయించింది. ఆమె కంప్లైంట్‌తో కేసు నమోదు చేసుకున్న పోలీసులు దర్యాప్తు ముమ్మరం చేశారు. నిందితుడు గతంలో కూడా ఇలాంటి మోసపూరిత మ్యాట్రిమోనియల్ ప్రొఫైల్స్ ద్వారా ఇతర మహిళలను పెళ్లి పేరుతో మోసం చేసి ఉంటాడని పోలీసులు బలంగా అనుమానిస్తున్నారు. ప్రస్తుతం పరారీలో ఉన్న నిందితుడిని పట్టుకునేందుకు ప్రత్యేక పోలీసు బృందాలు గాలింపు చర్యలు చేపట్టాయి. ఆన్‌లైన్ వేదికల్లో పరిచయమయ్యే వ్యక్తుల పట్ల ప్రజలు, ముఖ్యంగా ఒంటరి మహిళలు అప్రమత్తంగా ఉండాలని పోలీసులు ఈ సందర్భంగా హెచ్చరిస్తున్నారు.