ఈ హత్యలకు కారణమైన శత్రువుల జాబితా తమ వద్ద ఉందని, ఆ నేరస్థులు మంచంపై ప్రశాంతంగా ప్రాణాలు వదలాలనే కోరికను తమతో పాటే సమాధి చేసుకుంటారని ఆయన హెచ్చరించారు. “ఈ ప్రతీకార చర్య అనేది నా ఉనికిపై కానీ, లేదా ఇతర ప్రభుత్వ అధికారుల ఉనికిపై కానీ ఆధారపడి లేదు. మేము ఉన్నా లేకపోయినా ఈ ప్రతీకారం జరిగి తీరుతుంది. త్వరలోనే ప్రపంచవ్యాప్తంగా ఉన్న స్వేచ్ఛా ప్రియులైన ప్రజలంతా ఈ దైవిక మిషన్‌లో భాగస్వాములు అవుతారు” అని స్పష్టం చేశారు.

ఈ ఏడాది ఫిబ్రవరి 28న టెహ్రాన్‌లోని ఇరాన్ సుప్రీం లీడర్ కార్యాలయంపై అమెరికా-ఇజ్రాయెల్ జరిపిన వైమానిక దాడుల్లో అయాతొల్లా అలీ ఖమేనీ మరణించారు. ఆయన మరణించిన కొన్ని నెలల తర్వాత ఇప్పుడు ఈ అంత్యక్రియల ప్రక్రియ అధికారికంగా ముగిసింది.

మరోవైపు, ఇరాన్ నుంచి తనకు పొంచి ఉన్న ముప్పుపై అమెరికా మాధ్యమాలు ప్రస్తావించగా, అమెరికా అధ్యక్షుడు డొనాల్డ్ ట్రంప్ కూడా దీనిపై ఘాటుగా స్పందించారు. తనను గనుక ఇరాన్ హతమార్చడానికి ప్రయత్నించి విజయవంతమైతే, ఆ దేశం మునుపెన్నడూ చూడని స్థాయిలో ఇరాన్‌ను పూర్తిగా బాంబులతో నామరూపాలు లేకుండా చేయాలని తాను ఇప్పటికే యూఎస్ మిలిటరీకి ఆదేశాలు ఇచ్చానని ట్రంప్ ఒక ఇంటర్వ్యూలో పేర్కొన్న విషయాన్ని కూడా ఈ కథనంలో గుర్తుచేశారు.