లవ్‌ప్రీత్ ఒంటికి మంటలు అంటుకుని ప్రాణభయంతో అటు ఇటు పరుగులు తీస్తుండగా, అది చూసి నిందితుడి వదిన గుర్జీత్ కౌర్ అతడిని కాపాడేందుకు వెంటనే అక్కడికి పరుగున వచ్చింది. అయితే లవ్‌ప్రీత్‌ను రక్షించే క్రమంలో ఆమెకు కూడా మంటలు అంటుకున్నాయి. తీవ్ర గాయాలపాలైన ఇద్దరినీ వెంటనే ఆసుపత్రికి తరలించగా, చికిత్స పొందుతూ లవ్‌ప్రీత్ సింగ్, గుర్జీత్ కౌర్ ఇద్దరూ మరణించారు. ఈ పెనుగులాటలో నిందితుడు సాజన్ సింగ్‌కు కూడా స్వల్పంగా మంటలు అంటుకోవడంతో అతడు కూడా ఆసుపత్రిలో చేరాడు.

ఈ ఘోరానికి సంబంధించిన దృశ్యాలన్నీ అక్కడి సీసీటీవీ కెమెరాలో రికార్డయ్యాయి. వీడియోలో ఒక వ్యక్తి మరొకరికి నిప్పంటించడం.. బాధితుడు మంటల్లో కాలిపోతూ భయంతో అటు ఇటు పరిగెత్తడం స్పష్టంగా కనిపిస్తుంది. ఆ వెంటనే ఒక మహిళ అతడిని రక్షించడానికి రావడం, ఆమెకు కూడా మంటలు అంటుకోవడం చూస్తాం. కొద్ది క్షణాల తర్వాత, ఆమె వెనుక నిలబడిన మూడో వ్యక్తి వచ్చి, మంటల తీవ్రతకు కదలలేకపోయిన ఆ మహిళకు సహాయం చేయడానికి ప్రయత్నించడం వీడియోలో రికార్డైంది. ఈ ఘటనపై తర్న్ తారన్‌లోని సదర్ పోలీస్ స్టేషన్ వారు నిందితుడు సాజన్ సింగ్‌పై కేసు నమోదు చేశారు. ఈ ఘోర కలకలంపై పోలీసులు మరిన్ని వివరాల కోసం తదుపరి దర్యాప్తును ముమ్మరం చేశారు.