వీడియోలో హేమ మాట్లాడుతూ.. “హలో ప్రకాష్ రాజు గారు, పవన్ కళ్యాణ్ గారెపై మీరు చేసిన ట్వీట్ చూశాను. అందులో పవన్ కళ్యాణ్ గారిని ‘దొర’ అని సంబోధించారు. మీరు ఏ ఉద్దేశంతో అన్నారో అర్థమైంది. తెలంగాణ ప్రాంతంలో ‘దొర’ అనే పదాన్ని ఎందుకు వాడతారో మీకు తెలియంది కాదు. రాజకీయంగా ఏమైనా సందేహాలు, ప్రశ్నలు ఉంటే ప్రభుత్వాన్ని ప్రశ్నించాలి, పాలనను విమర్శించండి తప్పులేదు. కానీ వ్యక్తిగతంగా హననానికి ప్రయత్నించడం మంచిది కాదు.. ఇలాంటివి గతంలో చాలా మంది చేశారు. అలా చేసిన వారు ఏమైపోయారో చరిత్ర చదువుకోండి అని హేమ అన్నారు.

పవన్ కళ్యాణ్ వ్యక్తిత్వం ఏంటో రెండు తెలుగు రాష్ట ప్రజలకు తెలుసు అన్నారు. ఇదే క్రమంలో ప్రకాష్ రాజ్ ప్రవర్తనపై హేమ షూటింగ్ స్పాట్ అనుభవాలను గుర్తు చేస్తూ షాకింగ్ కామెంట్స్ చేశారు. “ప్రకాష్ రాజు గారు, మీతో నేను చాలా సినిమాల్లో భార్యగా యాక్ట్ చేశాను. మీ వర్కింగ్ స్టైల్ నాకు బాగా తెలుసు. మీరు ఈరోజు షూటింగ్‌కి వస్తానని డేట్ ఇస్తారు. మేమందరం పొద్దున్నే మేకప్ వేసుకొని సెట్స్‌లో రెడీగా కూర్చుంటాం. ‘ఇంకా వస్తారు, 10 నిమిషాల్లో వస్తారు, గంటలో వస్తారు, లంచ్ తర్వాత వస్తారు’ అంటూ ఎదురుచూసేలా చేస్తారు. తీరా చూస్తే.. మీకు యాక్ట్ చేసే మూడ్ లేక ‘నేను వేరే కంట్రీ వెళ్ళిపోయాను’ అని చెప్తారు. కనీసం వెళ్ళేముందు ప్రొడ్యూసర్‌కి గానీ, డైరెక్టర్‌కి గానీ ఫోన్ చేసి చెప్పే బాధ్యత కూడా మీకు ఉండదు” అని హేమ విమర్శించారు.

గతంలో తాను కూడా ఈ విషయంపై ప్రకాష్ రాజ్‌ను నిలదీశానని హేమ గుర్తుచేశారు. “సార్, మీ వల్ల మేమందరం సఫర్ అవుతున్నాం, ఎందుకు ఇలా చేస్తున్నారు? అని నేను అడిగితే.. ‘నాకు మూడ్ లేదురా యాక్ట్ చేయడానికి, అందుకే ఆ కంట్రీకి, ఈ ప్రాంతానికి వెళ్ళిపోయాను’ అని నాతోనే అన్నారు. మరి షూటింగ్‌లకే మూడ్ లేని మీరు.. రాజకీయాల్లోకి సింగిల్‌గా వస్తారా? గుంపులతో వస్తారా? అసలు మీకు ప్రజాసేవ చేసే మూడ్ ఉందా లేదా? దయచేసి ఒక్కసారి చెప్పండి సార్” అంటూ హేమ తన వీడియో ద్వారా ప్రకాష్ రాజ్‌ను నేరుగా ప్రశ్నించారు.

ప్రస్తుతం హేమ చేసిన ఈ వ్యాఖ్యలు, ఆమె షేర్ చేసిన వీడియో సోషల్ మీడియాలో విపరీతంగా వైరల్ అవుతుండటంతో టాలీవుడ్ వర్సెస్ జనసేన పొలిటికల్ వార్ మరింత ముదిరినట్లయింది.