ఐపీఎల్ 2026లో భాగంగా ధర్మశాల వేదికగా పంజాబ్ కింగ్స్‌తో జరిగిన మ్యాచ్‌లో రాయల్ ఛాలెంజర్స్ బెంగళూరు భారీ స్కోరు సాధించింది. టాస్ ఓడి బ్యాటింగ్‌కు దిగిన ఆర్‌సీబీ నిర్ణీత 20 ఓవర్లలో 4 వికెట్లు కోల్పోయి 222 పరుగులు చేసింది. ఓపెనర్ విరాట్ కోహ్లీ అద్భుత ఇన్నింగ్స్‌తో ఈ సీజన్‌లో మరో హాఫ్ సెంచరీ మార్కును అందుకున్నాడు. కోహ్లీ 37 బంతుల్లో 58 (4 ఫోర్లు, 3 సిక్సులు) పరుగులు చేయగా, మిడిలార్డర్‌లో వెంకటేష్ అయ్యర్ చెలరేగి ఆడాడు. అయ్యర్ 40 బంతుల్లో 8 ఫోర్లు, 4 సిక్సర్లతో 73 పరుగులు చేసి నాటౌట్‌గా నిలిచాడు. ఇక దేవ్ దత్ పడిక్కల్ 45 (4 ఫోర్లు, 3 సిక్సులు), టిమ్ డేవిడ్ 28 (2 ఫోర్లు, 2 సిక్సులు) సైతం చెలరేగిపోవడంతో ఆర్సీబీ భారీ స్కోర్ సాధించగలిగింది. ఇక పంజాబ్ బౌలర్లలో హప్రీత్ బ్రార్ 2 వికెట్లు పడగొట్టగా.. అర్షదీప్, చాహల్ చెరో వికెట్ తీసుకున్నారు.