NEET-UG 2026 పరీక్ష పేపర్ లీక్‌కి బాధ్యతగా కేంద్ర విద్యా శాఖ మంత్రి ధర్మేంద్ర ప్రదాన్ రాజీనామా చెయ్యాలంటే.. కాక్రోజ్ జనతా పార్టీ.. జులై 20న పార్లమెంట్ దగ్గర ఆందోళన నిర్వహించింది. ఆ సమయంలో.. ఆందోళనలో పాల్గొన్న విద్యార్థులపై పోలీసులు దారుణంగా వ్యవహరించారనీ, ఇష్టం వచ్చినట్లు కొట్టారని ఆగ్రహం వ్యక్తం చేస్తూ.. జులై 21న ఢిల్లీలోని ప్రధాని నరేంద్ర మోదీ ఇల్లు లోక్ కల్యాణ్ మార్గ్ దగ్గర కాంగ్రెస్ నిరసన వ్యక్తం చేస్తింది. రాహుల్ గాంధీ, ప్రియాంక గాంధీ, మల్లికార్జున్ ఖర్గే తదితరులు ఈ నిరసనలో పాల్గొన్నారు. ఓ దశలో వారు ప్రధాని ఇంటిని ముట్టడించేందుకు యత్నించడంతో పోలీసులు వారిని అరెస్టు చేసి చత్రసాల్ స్టేడియం దగ్గరకు తరలించారు. సమాజ్‌వాది పార్టీ అధ్యక్షుడు అఖిలేష్ యాదవ్ కూడా ఈ నిరసనలో పాల్గొని అరెస్టు అయ్యారు. అయితే తర్వాత వారందర్నీ రిలీజ్ చేశారు. ఈ ఘటన దేశవ్యాప్తంగా రాజకీయ వేడిని పెంచింది.

NEET పేపర్ లీక్ విషయం ఇప్పటికే దేశవ్యాప్త చర్చనీయాంశమైంది. విద్యార్థులపై పోలీసులు తీవ్రంగా వ్యవహరించారని విపక్షాలు ఆరోపిస్తున్నాయి. రాహుల్ గాంధీ ఈ సమస్యపై పార్లమెంట్‌లో చర్చ జరగాలనీ, ధర్మేంద్ర ప్రదాన్ రాజీనామా చెయ్యాలని డిమాండ్ చేశారు. మరోవైపు బీజేపీ.. కాంగ్రెస్ చేస్తున్న నిరసనలను రాజకీయ లాభం కోసం చేస్తోందని విమర్శిస్తోంది. అయితే ప్రజాస్వామ్య హక్కులు, విద్యా వ్యవస్థ సమస్యలపై దృష్టి సారించాలని విపక్షాలు డిమాండ్ చేస్తున్నాయి.