ప్రముఖ కర్ణాటక సంగీత విద్వాంసురాలు, భారతీయ సంగీత ప్రపంచంలో చెరగని ముద్ర వేసిన ఎం.ఎస్. సుబ్బులక్ష్మి జీవితం ఇప్పుడు వెండితెరపై ఆవిష్కృతం కానుంది. కొంతకాలంగా సుబ్బులక్ష్మి జీవిత కథ ఆధారంగా ఓ బయోపిక్ తెరకెక్కబోతుందంటూ వార్తలు వస్తున్న విషయం తెలిసిందే. తాజాగా ఈ ప్రాజెక్ట్‌కు సంబంధించి మేకర్స్ అధికారిక ప్రకటన విడుదల చేశారు. ఈ ప్రతిష్ఠాత్మక సినిమాలో ఎం.ఎస్. సుబ్బులక్ష్మి పాత్రను నటి రష్మిక మందన్న పోషించనున్నట్లు ప్రకటించారు.