తెరపై కనిపించే అధికారిక ఫైళ్లు, దహన సంస్కారాల లెక్కలు, పదునైన సంభాషణలు కథలోని తీవ్రతను తెలియజేశాయి. కమర్షియల్ విలువల కోసం కాకుండా సత్యాన్ని నిర్భయంగా వెల్లడించేలా సినిమాను తీర్చిదిద్దారు” అని వర్మ ప్రశంసించారు. సినిమాలోని సెన్సిటివ్ పాయింట్‌ను టచ్ చేస్తూ.. “ఒక ప్రజాస్వామ్య వ్యవస్థ తన సొంత పౌరులనే ఎలా కబళించిందో, అందుకు కనీస సాక్ష్యాలు కూడా మిగలకుండా ఎలా తుడిచిపెట్టేసిందో ఈ సినిమాలో చూపించడం మామూలు విషయం కాదు. చిత్ర బృందం అసాధారణమైన ధైర్యంతో ఈ సినిమాను తెరకెక్కించింది. ఇది నిజమైన కళ. ఈ సినిమా ప్రేక్షకులను ఎంతో ఆలోచింపజేస్తుంది. సత్యం, నిజాయతీలను ఒక సినిమా మాధ్యమం ద్వారా చెప్పినప్పుడు అది ‘సత్లుజ్’ అవుతుంది. ఇలాంటి సినిమాను అందరూ చూడాలి, చూపించాలి, దానిపై సమాజంలో చర్చ జరగాలి” అని ఆర్జీవీ చెప్పుకొచ్చారు.

చివరిగా ప్రభుత్వానికి, అధికారంలో ఉన్నవారికి వర్మ ఒక సూటి విన్నపం చేశారు వర్మ. “సినిమాలో బాధితులను ఎన్‌కౌంటర్ చేసినట్లుగానే, ఇప్పుడు ఈ సినిమాను కూడా ఎన్‌కౌంటర్ చేసి చంపేయకూడదు. అధికారంలో ఉన్న వారందరికీ నాదొక్కటే విన్నపం.. ‘సత్లుజ్’ సినిమాలో జస్వంత్ సింగ్ ఖల్రా (Jaswant Singh Khalra)ను చేసినట్లుగా ఈ సినిమాను అణచివేయకండి. నిజాన్ని ఎంత దాచాలని చూస్తే, అది అంత దృఢంగా మారుతుంది” అంటూ వర్మ తనదైన శైలిలో ట్వీట్ ముగించారు. స్ట్రీమింగ్ నిలిచిపోయిన ఈ సినిమాపై వర్మ చేసిన వ్యాఖ్యలు ఇప్పుడు దేశవ్యాప్తంగా మరింత క్యూరియాసిటీని పెంచుతున్నాయి.