మహిళల విభాగంలో జరిగిన మ్యాచ్ ఆద్యంతం ఉత్కంఠ రేకెత్తించింది. చివరి నిమిషం వరకు ఉత్కంఠభరితంగా సాగిన ఈ పోరులో చెన్నై బుల్స్ 31-27 పాయింట్ల తేడాతో ఢిల్లీ రెడ్జ్‌పై విజయం సాధించింది. మ్యాచ్ ప్రారంభంలోనే ఢిల్లీ ప్లేయర్ ఈడెన్ కిల్గోర్ పాయింట్ సాధించగా, చెన్నై ప్లేయర్ ఆదియా పై వెంటనే స్కోరును సమం చేసింది. ఆ తర్వాత ఢిల్లీ ప్లేయర్ లవేనా కావూరు ఇంటర్‌సెప్షన్ ట్రైతో మ్యాచ్‌ను ఢిల్లీ వైపు తిప్పింది. అయితే, మూడో క్వార్టర్‌లో చెన్నై ప్లేయర్స్ సవన్నా బౌడర్, లారా రైట్ లు అద్భుతంగా పోరాడి పుంజుకున్నారు. ఆఖరి నిమిషాల్లో ఈడెన్ కిల్గోర్ ఢిల్లీకి ఆధిక్యం అందించినప్పటికీ.. ఎక్స్‌ట్రా టైమ్‌లో సవన్నా బౌడర్ ఒంటరి పోరాటంతో పాయింట్ సాధించి చెన్నై బుల్స్‌కు ఒక అద్భుతమైన కంబ్యాక్ విజయాన్ని అందించింది.

ఇదే రోజు జరగనున్న తదుపరి మ్యాచ్‌ల్లో మహిళల విభాగంలో ముంబై డ్రీమర్స్, కోల్‌కతా బంగా టైగర్స్‌తో తలపడనుండగా.. పురుషుల విభాగంలో బెంగళూరు బ్రేవ్‌హార్ట్స్, కోల్‌కతా బంగా టైగర్స్ మధ్య చివరి మ్యాచ్ జరగనుంది.