జేమ్స్ ఎర్స్‌కిన్ దర్శకత్వంలో, ప్రముఖ నిర్మాత రవి భాగ్‌చంద్క నిర్మాణంలో 2017లో థియేటర్లలో విడుదలైన ‘సచిన్: ఏ బిలియన్ డ్రీమ్స్’ ఒక భారీ సంచలనాన్ని సృష్టించింది. ఆస్కార్ అవార్డ్ విన్నర్ ఎ.ఆర్. రెహమాన్ అందించిన బ్యాక్‌గ్రౌండ్ స్కోర్ ఈ చిత్రానికి ప్రధాన ఆకర్షణగా నిలిచింది. అప్పట్లో హిందీ, ఇంగ్లీష్, మరాఠీలతో పాటు తెలుగు, తమిళ భాషల్లో ఈ సినిమాను థియేటర్లలో రిలీజ్ చేశారు. ఇందులో సచిన్ చిన్ననాటి జ్ఞాపకాలు, కుటుంబ విశేషాలు, క్రికెట్ కెరీర్‌లోని అరుదైన రియల్ ఫుటేజీలు (Real footage) ప్రధానంగా చూపించారు. అయితే ఇప్పుడు ఈ డాక్యుమెంటరీని డిజిటల్ రూపంలో సరికొత్తగా తెలుగు ప్రేక్షకుల ముందుకు తీసుకురావడానికి ‘ఆహా’ ప్లాన్ చేస్తోందా? లేక కొత్త సిరీస్ రూపొందిస్తున్నారా అనేది మాత్రం ఇప్పటికి సస్పెన్స్.

కోట్లాది మందికి స్ఫూర్తిగా నిలిచిన సచిన్ టెండూల్కర్ అంతర్జాతీయ క్రికెట్‌లో ఎవరికీ సాధ్యం కాని ఎన్నో రికార్డులను నెలకొల్పారు. డిసెంబర్ 11, 1988న ముంబైలోని వాంఖడే స్టేడియంలో గుజరాత్‌తో జరిగిన రంజీ ట్రోఫీ మ్యాచ్‌లో సచిన్ ముంబై (అప్పటి బొంబాయి) తరఫున ఫస్ట్ క్లాస్ క్రికెట్ అరంగేట్రం చేశారు. ఆ మ్యాచ్‌లోనే అజేయంగా 100 పరుగులు చేసి, అతి చిన్న వయసులోనే రంజీ అరంగేట్రంలో సెంచరీ చేసిన రికార్డు సృష్టించారు. ఆపై