గత కొన్ని వారాలుగా సమంత ప్రెగ్నెన్సీ గురించి సామాజిక మాధ్యమాల్లో పెద్ద ఎత్తున చర్చ నడిచింది. ముఖ్యంగా ‘మా ఇంటి బంగారం’ ప్రమోషన్లలో ఎక్కువగా చీరల్లో కనిపించిన సమంత, సినిమా విజయోత్సవాల్లో మాత్రం టీ-షర్ట్, జీన్స్‌లో కనిపించడంతో ఆమె బేబీ బంప్ కనిపించిందంటూ ఫోటోలు, వీడియోలు వైరల్ అయ్యాయి. దీంతో అభిమానులు, నెటిజన్లు ఆమె గర్భవతిగా ఉన్నారనే అభిప్రాయానికి వచ్చారు. అయితే ఆ సమయంలో సమంత లేదా ఆమె భర్త రాజ్ నిడిమోరు ఈ వార్తలపై ఎలాంటి స్పందన ఇవ్వలేదు.

ఇక ఈ ఊహాగానాలకు మరింత బలం చేకూర్చిన సంఘటన కూడా జరిగింది. ‘మా ఇంటి బంగారం’ చిత్రబృందం మెగాస్టార్ చిరంజీవిని కలిసిన సందర్భంగా, సమంత-రాజ్ నిడిమోరు దంపతులకు కొత్త అధ్యాయం ప్రారంభం కానుందంటూ ఆయన అభినందనలు తెలియజేశారు. దీంతో సినీ వర్గాల్లో ప్రెగ్నెన్సీ వార్తలు మరింత వేగంగా వ్యాపించాయి.

ఇప్పుడు సమంత స్వయంగా ఈ విషయాన్ని ధృవీకరించడంతో అభిమానులు ఆనందం వ్యక్తం చేస్తున్నారు. సోషల్ మీడియాలో ఆమెకు శుభాకాంక్షలు వెల్లువెత్తుతున్నాయి. అభిమానులు, సినీ ప్రముఖులు ఆమెకు అభినందనలు తెలుపుతున్నారు.

ఇక ‘మా ఇంటి బంగారం’ సినిమా విషయానికి వస్తే, ఈ చిత్రం బాక్సాఫీస్ వద్ద విజయవంతంగా ప్రదర్శితమవుతోంది. ఇప్పటికే రూ.50 కోట్లకు పైగా వసూళ్లు సాధించిన ఈ చిత్రం విదేశీ మార్కెట్‌లో కూడా మంచి స్పందనను అందుకుంటోంది. ఓవర్సీస్‌లో 2 మిలియన్ డాలర్ల మార్క్‌ను చేరుకునే దిశగా దూసుకెళ్తోంది.

నందిని రెడ్డి దర్శకత్వంలో రూపొందిన ఈ ఫ్యామిలీ యాక్షన్ ఎంటర్‌టైనర్‌లో సమంతతో పాటు శ్రీనివాస గవిరెడ్డి, మంజూష, దిగంత్, గుల్షన్ దేవయ్య, శ్రీముఖి, గౌతమీ, ఆనంద్, లక్ష్మి తదితరులు కీలక పాత్రలు పోషించారు. ట్రాలాల మూవింగ్ పిక్చర్స్ బ్యానర్‌పై సమంత, రాజ్ నిడిమోరు, హిమాంక్ దువ్వూరు సంయుక్తంగా ఈ చిత్రాన్ని నిర్మించగా, సంగీతాన్ని సంతోష్ నారాయణన్ అందించారు.

వ్యక్తిగత జీవిత విషయానికి వస్తే, సమంత 2021 అక్టోబర్‌లో నాగచైతన్యతో విడిపోయిన తర్వాత 2025 డిసెంబర్ 1న దర్శకుడు రాజ్ నిడిమోరును రెండో వివాహం చేసుకుంది. కోయంబత్తూరులోని లింగభైరవి ఆలయంలో సంప్రదాయబద్ధంగా జరిగిన ఈ వివాహం అప్పట్లో విశేష చర్చకు దారితీసింది. ఇప్పుడు సినిమా విజయం, కుటుంబ జీవితంలో కొత్త సంతోషం రెండూ ఒకేసారి రావడంతో సమంత జీవితంలో మరో ఆనందకర అధ్యాయం ప్రారంభమవుతోంది.