తాజాగా ఈ సినిమా సెన్సార్ కార్యక్రమాలను పూర్తి చేసుకుంది. చిత్రాన్ని వీక్షించిన సెన్సార్ బోర్డు సభ్యులు సినిమాలోని కంటెంట్, ఎమోషన్స్‌కు ఫిదా అయ్యారు. క్లీన్ ఫ్యామిలీ ఎంటర్‌టైనర్‌గా ప్రశంసిస్తూ ఈ చిత్రానికి ‘యూ/ఏ’ (U/A) సర్టిఫికెట్‌ను జారీ చేశారు. ఎక్కడా బోర్ కొట్టించకుండా, అన్ని వర్గాల ప్రేక్షకులను ఆకట్టుకునేలా సినిమాను మలిచారంటూ మేకర్స్‌ను అభినందించారు.

ఇప్పటికే విడుదలైన టీజర్, ట్రైలర్‌లు సోషల్ మీడియాలో విపరీతమైన రెస్పాన్స్ తెచ్చుకున్నాయి. సినిమా ప్రమోషన్స్‌లో భాగంగా సమంత తాజాగా ఇన్‌స్టాగ్రామ్‌లో అభిమానులతో ముచ్చటించారు. ఈ సందర్భంగా సినిమా గురించి ఆసక్తికర విషయాలు పంచుకుంటూ.. థియేటర్లలో ప్రేక్షకులు పెట్టే ప్రతి రూపాయికి, వెచ్చించే సమయానికి వంద శాతం న్యాయం జరుగుతుందని ధీమా వ్యక్తం చేశారు.

ఈ క్రేజీ ప్రాజెక్ట్‌కి కోలీవుడ్ స్టార్ కంపోజర్ సంతోష్ నారాయణన్ అద్భుతమైన సంగీతాన్ని అందించగా, ఓం ప్రకాష్ సినిమాటోగ్రఫీ బాధ్యతలను, ధర్మేంద్ర కాకరాల ఎడిటింగ్‌ను నిర్వహించారు. ఈ చిత్రంలో దిగంత్, గుల్షన్ దేవయ్య, శ్రీముఖి, గౌతమి, ఆనంద్, లక్ష్మి, శ్రీనివాస్ గవిరెడ్డి, మంజూష తదితరులు కీలక పాత్రల్లో నటించారు. అన్ని హంగులు పూర్తి చేసుకున్న ‘మా ఇంటి బంగారం’ జూన్ 19న ప్రపంచవ్యాప్తంగా గ్రాండ్ రిలీజ్ కానుంది.