హాలీవుడ్‌ సినిమాలకు భారతీయ ప్రేక్షకుల్లో ఉన్న క్రేజ్‌ గురించి ప్రత్యేకంగా చెప్పాల్సిన అవసరం లేదు. ముఖ్యంగా ‘అవెంజర్స్‌’, ‘అవతార్‌’, ‘స్పైడర్‌మ్యాన్‌’ వంటి ఫ్రాంఛైజీలకు మన దేశంలో భారీ సంఖ్యలో అభిమానులు ఉన్నారు. ఈ సినిమాలకు సంబంధించిన ప్రతి కొత్త అప్‌డేట్‌పై ప్రేక్షకుల్లో ఆసక్తి కనిపిస్తుంటుంది. అందుకే హాలీవుడ్‌ నుంచి వచ్చే భారీ బడ్జెట్‌ చిత్రాలు భారతీయ బాక్సాఫీస్‌ వద్ద కూడా అద్భుతమైన వసూళ్లను సాధిస్తూ.. మన స్టార్‌ హీరోల సినిమాలతో పోటీపడుతుంటాయి. అయితే తాజాగా ఓ హాలీవుడ్‌ చిత్రం ఇప్పటివరకూ ఏ మూవీ సాధించని అరుదైన రికార్డును తన ఖాతాలో వేసుకుంది.