“జస్ప్రీత్ బుమ్రా తన గాయం నుంచి పూర్తిగా కోలుకున్నాడు. సీఓఈ నిర్దేశించిన అన్ని ఫిట్‌నెస్ పరీక్షలను విజయవంతంగా పూర్తి చేశాడు. భారత జట్టు ప్రణాళికల్లో బుమ్రా అత్యంత కీలకమైన ఆటగాడు కాబట్టి, అతడు రెండు టెస్టుల్లోనూ అందుబాటులో ఉంటాడని భావిస్తున్నాం” అని పేరు చెప్పడానికి ఇష్టపడని ఒక బీసీసీఐ సీనియర్ అధికారి ‘పిటిఐ’ వార్తా సంస్థకు వెల్లడించారు.

ప్రస్తుత ప్రపంచ టెస్టు ఛాంపియన్‌షిప్ (WTC) ఫైనల్ రేసులో నిలవాలంటే టీమ్‌ఇండియా మిగిలి ఉన్న 9 టెస్టుల్లో కనీసం 7 మ్యాచ్‌ల్లో తప్పక గెలవాల్సి ఉంది. ఈ నేపథ్యంలో రాబోయే న్యూజిలాండ్ పర్యటన కంటే ముందే, శ్రీలంకను వారి సొంత గడ్డపై 2-0 తేడాతో క్లీన్ స్వీప్ చేయడం భారత జట్టుకు అత్యంత కీలకంగా మారింది.

అలాగే హ్యామ్‌స్ట్రింగ్ సమస్యతో ఆల్‌రౌండర్ వాషింగ్టన్ సుందర్ మొదటి టెస్టుకు అందుబాటులో ఉండటం లేదు. వెన్నునొప్పితో పేసర్ ఆకాశ్ దీప్ సుదీర్ఘకాలంగా జట్టుకు దూరంగా ఉంటున్నారు. ఈ పరిస్థితుల్లో బుమ్రా తిరిగి రావడం భారత పేస్ దళానికి కొండంత కొండంత అండగా మారనుంది.