మొదట ఈ సినిమాను 2026 మార్చి 26న విడుదల చేయనున్నట్లు మేకర్స్ ప్రకటించారు. అయితే షూటింగ్, పోస్ట్ ప్రొడక్షన్ పనుల కారణంగా విడుదలను ఆగస్టుకు వాయిదా వేసినట్లు సమాచారం వచ్చింది. ఆ తర్వాత డిసెంబర్‌కు మరింత ఆలస్యమవుతుందన్న ప్రచారం కూడా జరిగింది. కానీ తాజా వార్తల ప్రకారం సెప్టెంబర్ 25 తేదీని ఖరారు చేసినట్లు టాలీవుడ్ వర్గాల్లో చర్చ జరుగుతోంది. దీనిపై చిత్ర బృందం నుంచి అధికారిక ప్రకటన రావాల్సి ఉంది.

ఇదిలా ఉండగా, ఇటీవల చిత్ర బృందం మరో ఆసక్తికరమైన అప్‌డేట్‌ను అభిమానులతో పంచుకుంది. ప్రముఖ నటుడు, డ్యాన్సర్ రాఘవ్ జుయాల్‌ను ‘విక్రమ్ మాలిక్’ పాత్రలో పరిచయం చేస్తూ విడుదల చేసిన ఫస్ట్ లుక్ వీడియో సోషల్ మీడియాలో వైరల్‌గా మారింది. బంగారు ఆభరణాలతో, భయంకరమైన లుక్‌లో కనిపించిన రాఘవ్ జుయాల్ పాత్ర ప్రేక్షకుల్లో ఆసక్తిని రేకెత్తిస్తోంది. ఈ పాత్ర సినిమాలో చాలా పవర్‌ఫుల్‌గా ఉండబోతుందని వీడియో చూస్తేనే అర్థమవుతోంది.

ఇప్పటికే దర్శకుడు శ్రీకాంత్ ఓదెలతో కలిసి పనిచేయడం గురించి రాఘవ్ జుయాల్ మాట్లాడుతూ ఆసక్తికర వ్యాఖ్యలు చేశారు. ‘దసరా’ చిత్రంతో తన విజన్‌ను నిరూపించుకున్న శ్రీకాంత్ ఓదెల, ‘ది ప్యారడైజ్’తో మరో అద్భుతమైన ప్రపంచాన్ని సృష్టిస్తున్నారని చెప్పారు. సినిమా అనౌన్స్‌మెంట్ వీడియోనే ప్రేక్షకులను ఆశ్చర్య పరిచిందని, తన పాత్రను చూసిన తర్వాత అభిమానులు మరింత ఎంజాయ్ చేస్తారని ఆయన వెల్లడించారు.

ఎస్‌ఎల్‌వీ సినిమాస్ బ్యానర్‌పై రూపొందుతున్న ఈ చిత్రంపై ఇప్పటికే భారీ అంచనాలు నెలకొన్నాయి. నాని కెరీర్‌లో మరో విభిన్నమైన చిత్రంగా తెరకెక్కుతున్న ‘ది ప్యారడైజ్’ కోసం అభిమానులు ఎంతో ఆసక్తిగా ఎదురుచూస్తున్నారు. అయితే చాలా రోజులుగా సినిమా నుంచి ఎలాంటి కొత్త అప్‌డేట్లు, పాటలు విడుదల కాకపోవడంతో అభిమానులు కొంత నిరాశకు గురయ్యారు.

ఇప్పుడు సెప్టెంబర్ 25 విడుదల తేదీ వార్తలు వైరల్ అవుతుండటంతో అభిమానుల్లో మళ్లీ ఉత్సాహం నెలకొంది. అయితే అసలు విడుదల తేదీ ఏదన్నది తెలుసుకోవాలంటే చిత్ర బృందం అధికారిక ప్రకటన కోసం మరికొంత కాలం వేచి చూడాల్సిందే. ప్రస్తుతం మాత్రం ‘ది ప్యారడైజ్’ మరోసారి టాలీవుడ్‌లో హాట్ టాపిక్‌గా మారింది.