నేచురల్ స్టార్ నాని, దర్శకుడు శ్రీకాంత్ ఓదెల కాంబినేషన్‌లో తెరకెక్కుతున్న మోస్ట్ అవైటెడ్ పాన్ ఇండియా మూవీ ‘ది ప్యారడైజ్’పై ప్రేక్షకుల్లో భారీ అంచనాలు నెలకొన్నాయి. గతంలో వీరిద్దరి కాంబినేషన్‌లో వచ్చిన ‘దసరా’ ఘన విజయం సాధించడంతో.. ఇప్పుడు మరోసారి ఈ కాంబో నుంచి వస్తున్న సినిమా కావడంతో ‘ది ప్యారడైజ్’పై మొదటి నుంచే ఆసక్తి పెరిగింది. ఇప్పటికే విడుదలైన ప్రమోషనల్ కంటెంట్ సినిమాపై హైప్‌ను మరింత పెంచింది. ఈ క్రమంలో మూవీకి సంబంధించిన పలు ఆసక్తికరమైన విషయాలపై నాని తాజాగా క్లారిటీ ఇచ్చారు.