ఆ ఫోటోకు త్రిష ప్రత్యేకమైన క్యాప్షన్ కూడా జత చేశారు. “అన్నిటినీ విలువైనవిగా మార్చే వ్యక్తికి పుట్టినరోజు శుభాకాంక్షలు” అంటూ హృదయ చిహ్నాలు, ఇతర ఎమోజీలతో తన అభిమానాన్ని వ్యక్తం చేశారు.

త్రిష ఈ పోస్ట్ చేయడానికి కొన్ని గంటల ముందు సోషల్ మీడియాలో ఆమె, విజయ్ మధ్య విభేదాలు వచ్చాయనే వార్తలు వైరల్ అయ్యాయి. గత కొన్ని సంవత్సరాలుగా విజయ్ పుట్టినరోజు సందర్భంగా సోషల్ మీడియాలో శుభాకాంక్షలు తెలియజేసే త్రిష, ఈసారి అలా చేయకపోవడంతో నెటిజన్లు అనుమానాలు వ్యక్తం చేశారు. అంతేకాకుండా, ఇన్‌స్టాగ్రామ్‌లో త్రిష విజయ్‌ను ఫాలో అవ్వడం లేదని కొందరు గమనించి, బ్రేకప్ ఊహాగానాలకు మరింత ఊతమిచ్చారు.

అయితే కురువి తర్వాత విజయ్, త్రిష కలిసి సినిమాలు చేయకపోవడంతో ఆ ప్రచారాలు మరింత పెరిగాయి. ఘిల్లీ సమయంలో ఏర్పడిన సాన్నిహిత్యం ప్రేమగా మారిందని అప్పట్లో గాసిప్‌లు వినిపించాయి. విజయ్ కుటుంబ సభ్యులే త్రిషకు దూరంగా ఉండాలని సూచించారనే వార్తలు కూడా ప్రచారంలోకి వచ్చాయి. అయితే వీరిద్దరూ ఎప్పటికప్పుడు అలాంటి వార్తలను ఖండిస్తూ, తాము మంచి స్నేహితులమేనని స్పష్టం చేశారు.

త్రిష, విజయ్ తమ సంబంధం గురించి ఎప్పుడూ అధికారికంగా స్పష్టత ఇవ్వలేదు. అయితే ఈ ఏడాది తమిళనాడు అసెంబ్లీ ఎన్నికల్లో విజయ్ ఘన విజయం సాధించిన తర్వాత త్రిష ఆయనకు మద్దతుగా స్పందించడం, అలాగే ప్రమాణ స్వీకార కార్యక్రమానికి హాజరుకావడం వంటి పరిణామాలు వీరిద్దరి మధ్య ఉన్న అనుబంధంపై మళ్లీ చర్చకు దారితీశాయి.