ఈ వేలంలో మొత్తం 41 లాట్లుగా ఉన్న మిక్స్‌డ్ రైస్‌ను అందుబాటులో ఉంచారు. ఇందులో ఉదయం సెషన్‌లో 21 లాట్లు, మధ్యాహ్నం సెషన్‌లో 20 లాట్లు ఉంటాయి. ఈ రెండు సెషన్‌లలో కలిపి సుమారు 16,338 కిలోల బియ్యాన్ని విక్రయానికి ఉంచనున్నట్లు అధికారులు తెలిపారు. వేలం ప్రక్రియను పారదర్శకంగా, పోటీ పద్ధతిలో నిర్వహించేందుకు ప్రభుత్వం నిర్వహిస్తున్న konugolu ఆన్‌లైన్ పోర్టల్‌ను ఉపయోగిస్తున్నారు. దీని ద్వారా ఆసక్తి గల వ్యాపారులు, కొనుగోలుదారులు సులభంగా పాల్గొనే అవకాశం ఉంటుంది.

ఈ వేలంలో పాల్గొనదలచిన వారు తప్పనిసరిగా ముందుగా ఆన్‌లైన్‌లో నమోదు చేసుకోవాలి. ఉదయం- మధ్యాహ్నం సెషన్‌లకు విడివిడిగా మే 13వ తేదీ సాయంత్రం లోపు ప్రతి సెషన్‌కు రూ.50,000 చొప్పున ఈఎండీ (EMD) చెల్లించాల్సి ఉంటుంది. ఈఎండీ చెల్లింపు పూర్తయిన తరువాత మాత్రమే వారు వేలంలో పాల్గొనే అర్హత పొందుతారు. వేలం పూర్తైన తరువాత విజయవంతమైన బిడ్డర్లకు సంబంధిత లాట్లు కేటాయిస్తారు.

మరిన్ని వివరాల కోసం తిరుపతిలోని టీటీడీ మార్కెటింగ్ కార్యాలయాన్ని కార్యాలయంలో సంప్రదించవచ్చని అధికారులు తెలిపారు. అదనంగా konugolu.ap.gov.in వెబ్‌సైట్‌ను సందర్శించి నమోదు విధానం, నిబంధనలు, వేలం ప్రక్రియకు సంబంధించిన పూర్తి సమాచారాన్ని తెలుసుకోవచ్చని సూచించారు. ఏదైనా సందేహాలు ఉంటే 0877-2264429 ఈ నంబర్ కు ఫోన్ చేయవచ్చని తెలిపారు. ఈ-వేలం విధానం ద్వారా పారదర్శకత పెరుగుతూ, భక్తుల సమర్పణలు సమర్థవంతంగా వినియోగంలోకి వస్తాయని టీటీడీ అధికారులు పేర్కొన్నారు.