ఉద్ధవ్ థాక్రే శిబిరం నుంచి బయటకు వచ్చిన ఆరుగురు ఎంపీలు, షిండే నేతృత్వంలోని శివసేనలో తమను విలీనం చేయాలని కోరుతూ లోక్‌సభ సెక్రటేరియట్‌కు దరఖాస్తు సమర్పించారు. ఈ విజ్ఞప్తిని స్పీకర్ కార్యాలయం పరిశీలించి, అధికారికంగా ఆమోదించింది. ఈ ఆమోదంతో లోక్‌సభలో వీరి విలీనం ఇకపై అధికారికంగా అమల్లోకి వచ్చింది.

సంజయ్ జాదవ్

ఈ విలీనాన్ని ఉద్ధవ్ థాక్రే నేతృత్వంలోని శివసేన (యూబీటీ) తీవ్రంగా వ్యతిరేకించింది. పార్టీ సంస్థాగత నిర్మాణంలో నిబంధనల ప్రకారం మూడింట రెండు వంతుల (2/3rds) మెజారిటీ లేనిదే ఈ విలీనం చెల్లదని, ఇది చట్టవిరుద్ధమని వారు వాదించారు. అయితే, ఈ అంశంపై ఏక్‌నాథ్ షిండే స్పందిస్తూ.. ఇది లోక్‌సభ స్పీకర్ నిర్ణయించాల్సిన అంశమని, తాము నిబంధనల ప్రకారమే గుర్తింపు కోరామని పేర్కొన్నారు.

జూలై 20 నుంచి ప్రారంభం కానున్న పార్లమెంట్ వర్షాకాల సమావేశాల నేపథ్యంలో స్పీకర్ తీసుకున్న ఈ నిర్ణయం అత్యంత ప్రాధాన్యత సంతరించుకుంది. పార్టీలో చీలిక తర్వాత అంతర్గత విభేదాలతో సతమతమవుతున్న ఉద్ధవ్ థాక్రే వర్గానికి ఇది రాజకీయంగా పెద్ద దెబ్బ కాగా, షిండే వర్గానికి తన స్థానాన్ని లోక్‌సభలో మరింత బలోపేతం చేసుకునే అవకాశం లభించింది. స్పీకర్ ఆమోదంతో ఆరుగురు ఎంపీల విలీన ప్రక్రియ అధికారికంగా ముగిసింది.