పశ్చిమ ఆసియాలో నెలలుగా ఉద్రిక్తతలకు దారితీసిన అమెరికా-ఇరాన్ ఘర్షణకు ముగింపు పలికే దిశగా కీలక పరిణామాలు చోటుచేసుకుంటున్నాయి. ప్రస్తుతం ఇరాన్‌లో శాంతి చర్చలు తుది దశకు చేరుకున్నాయని, ఇరు దేశాల మధ్య కీలక ఒప్పందం కుదిరే అవకాశాలు బలంగా కనిపిస్తున్నాయని అంతర్జాతీయ మీడియా వెల్లడించింది. అల్ అరబియా కథనం ప్రకారం, అమెరికా-ఇరాన్ మధ్య తుది ముసాయిదా ఒప్పందం సిద్ధమైందని, మరికొన్ని గంటల్లో అధికారిక ప్రకటన వెలువడవచ్చని సమాచారం. అత్యంత గోప్యంగా ఉంచిన ఈ ఒప్పందంలో 10 కీలక షరతులు ఉన్నాయని, వాటి ఆధారంగానే ఇరు దేశాలు శాంతి దిశగా అడుగులు వేస్తున్నట్లు తెలుస్తోంది.