మరోవైపు దర్శకుడిపై కూడా జనాల్లో మంచి క్రేజ్ ఉంది. వెంకటాద్రి ఎక్స్‌ప్రెస్, ఎక్స్‌ప్రెస్ రాజా, కృష్ణార్జున యుద్దం, మ్యాస్ట్రో వంటి సినిమాలు తెరకెక్కించిన మేర్లపాక గాంధీ ఈ సినిమాకు దర్శకత్వం వహించాడు. ఒక కొరియన్ గ్యాంగ్ స్టర్ దెయ్యం.. సంబంధమే లేని అనంతపురం జిల్లాలో ఉండే కుర్రాడి ఒంట్లోకి ఎందుకు ప్రవేశించింది అనే లైన్‌తో ఈ సినిమాను గాంధీ తెరకెక్కించాడు. కొరియన్ కనకరాజు టైటిల్ మాస్‌గా ఉన్నా.. కంటెంట్ మాత్రం చాలా క్లాస్‌గా ఉంటుందట. ఈ సబ్జెక్ట్‌తో జనాలను ఎలా ఎంటర్‌టైన్ చేస్తాడో చూడాలి.

ఇక ఇదిలా ఉంటే ఈ సినిమాకు జరిగిన ప్రీ రిలీజ్ బిజినెస్ ఇప్పుడు హాట్ టాపిక్‌గా మారింది. ఈ సినిమాకు చాలా తక్కువ బిజినెస్ జరిగింది. ఇన్ సైడ్ రిపోర్ట్స్ ప్రకారం.. ఈ సినిమాకు రూ.12.50 కోట్ల బిజినెస్ జరిగింది. అంటే బ్రేక్ ఈవెన్ కోసం రూ.13.50 కోట్ల వరకు కొల్లగొట్టాల్సి వస్తుంది. వరుణ్ తేజ్ కెరీర్‌లో రీసెంట్ మూవీస్‌లో లోయెస్ట్ బిజినెస్ ఇదే. నిజానికి ఈ మధ్య వరుణ్‌కు కూడా హిట్లు లేవు. తొలిప్రేమ తర్వాత సోలోగా ఒక్క కమర్షియల్ హిట్టు కొట్టలేదు. దాంతో సేఫ్ టార్గెట్‌తో రంగంలోకి దిగుతున్నాడు.

ప్రస్తుతం సినిమాకున్న బజ్‌కు కాస్త పాజిటీవ్ టాక్ వచ్చినా సరే.. బ్రేక్ ఈవెన్ ఈజీగా అయిపోతుంది. ఈ సినిమాలో ‘మిరాయ్’ బ్యూటీ రితికా నాయక్ హీరోయిన్‌గా నటించింది. కీలక రోల్‌లో కమెడియన్ సత్య నటిస్తున్నాడు. ఫస్ట్ ఫ్రేమ్ ఎంటర్‌టైమెంట్స్, యూవీ క్రియేషన్స్ సంస్థలు సంయుక్తంగా ఈ సినిమాను నిర్మిస్తున్నాయి. నిజానికి ఈ సినిమాకు రూ.38 కోట్ల వరకు బడ్జెట్ అయింది. కాగా.. ఆల్రెడీ నాన్ థియేట్రికల్ రూపంలోనే రూ.26 కోట్లు వచ్చేశాయి. మిగిలిన రూ.12 కోట్లు థియేట్రికల్ బిజినెస్ అయింది. ఈ లెక్కన ప్రొడ్యూసర్లు రిలీజ్‌కు ముందే సేఫ్ సైడ్‌కు వెళ్లిపోయారు. థమన్ సంగీతం అందించిన ఈ సినిమా ఆగస్టు 7న రిలీజ్ కాబోతుంది.