తమిళనాడు నూతన ముఖ్యమంత్రిగా విజయ్ ప్రమాణస్వీకారం చేయనున్న నేపథ్యంలో చెన్నై నగరం జనసంద్రంగా మారింది. నెహ్రూ ఇండోర్ స్టేడియం వద్దకు తెల్లవారుజాము నుండే లక్షలాది మంది టీవీకే (TVK) అభిమానులు, కార్యకర్తలు చేరుకుంటున్నారు. ‘దళపతి’ సీఎం అవుతున్న వేళ రాష్ట్రం నలుమూలల నుండి భారీగా జనం తరలిరావడంతో స్టేడియం పరిసరాలు కిక్కిరిసిపోయాయి. టీవీకే ప్రధాన కార్యాలయం వద్ద కూడా పండుగ వాతావరణం నెలకొంది. వేలాది మంది అభిమానులను నియంత్రించేందుకు పోలీసులు భారీ బందోబస్తు ఏర్పాటు చేశారు. మరికాసేపట్లో జరగనున్న ఈ వేడుకకు రాహుల్ గాంధీ వంటి అగ్రనేతలు కూడా హాజరుకానున్నారు.



Source link