బీఆర్ఎస్ సీనియర్ నేత బోయినపల్లి వినోద్ కుమార్ ముఖ్యమంత్రి రేవంత్ రెడ్డికి స్ట్రాంగ్ వార్నింగ్ ఇచ్చారు. మేడిపల్లి ప్రాజెక్టు పనుల జాప్యంపై ఆగ్రహం వ్యక్తం చేసిన ఆయన.. “మిస్టర్ రేవంత్ రెడ్డి.. నీకు ఇంకా రెండున్నర ఏళ్ల సమయం ఉంది. ఈ మిగిలిన కాలం రాజకీయాలు మానేసి ప్రజల కోసం పని చెయ్” అని హితవు పలికారు. కేసీఆర్ హయాంలో 90% పూర్తయిన ప్రాజెక్టులను కాంగ్రెస్ ప్రభుత్వం కావాలనే పక్కన పెడుతోందని ఆరోపించారు. “అధికారం ఎవరికీ శాశ్వతం కాదు. ఈ రెండేళ్ల తర్వాత మళ్ళీ వచ్చేది మేమే (బిఆర్ఎస్), అప్పుడు నువ్వు సమాధానం చెప్పుకోవాల్సి వస్తుంది” అని వినోద్ కుమార్ వ్యాఖ్యానించారు. మేడిపల్లి ప్రాజెక్టు ద్వారా లక్షలాది ఎకరాలకు నీరు అందుతుందని, రాజకీయ కక్షతో రైతులను ఇబ్బంది పెట్టవద్దని ఆయన డిమాండ్ చేశారు.



Source link