కావ్యారెడ్డి సినిమా రంగానికి చెందిన వ్యక్తి కాకపోయినప్పటికీ, వీరిద్దరి మధ్య ఉన్న అనుబంధం కాలక్రమేణా ప్రేమగా మారింది. పెద్దల అంగీకారంతో వీరి ప్రేమ ఇప్పుడు పెళ్లి బంధంగా మారుతోంది. ఈ రాత్రి 11:13 గంటలకు ముహూర్తం నిర్ణయించగా, కేవలం అత్యంత సన్నిహితులు, బంధుమిత్రుల సమక్షంలోనే ఈ శుభకార్యం జరగనుంది. గతంలో ఏప్రిల్ 5న వీరి నిశ్చితార్థం కూడా ఎంతో రహస్యంగా ఫామ్‌హౌస్‌లో నిర్వహించిన సంగతి తెలిసిందే. ఆ సమయంలోనే తన జీవిత భాగస్వామి గురించి సోషల్ మీడియాలో ఎంతో భావోద్వేగంగా స్పందించిన శ్రీనివాస్, కావ్య చిరునవ్వును తాను ఎప్పటికీ కాపాడుతానని మాటిస్తూ చేసిన పోస్ట్ అభిమానులను ఫిదా చేసింది.

తిరుమల కొండపై ఆధ్యాత్మికంగా సాదాసీదాగా వివాహం జరిగినప్పటికీ, హైదరాబాద్‌లో మాత్రం వైభవంగా రిసెప్షన్ నిర్వహించనున్నారు. మే 1న జరగబోయే ఈ వేడుకకు టాలీవుడ్ ప్రముఖులతో పాటు రాజకీయ దిగ్గజాలు కూడా హాజరుకానున్నారు. పవిత్రమైన తిరుమలలో పండితుల వేదమంత్రాల మధ్య ఒక్కటవ్వడం ద్వారా తమ కొత్త జీవితాన్ని శ్రీవేంకటేశ్వర స్వామి ఆశీస్సులతో ప్రారంభించాలని ఈ జంట నిర్ణయించుకుంది. ఈ శుభవార్త తెలిసినప్పటి నుండి సోషల్ మీడియా వేదికగా అభిమానులు ఈ కొత్త జంటకు శుభాకాంక్షలు తెలుపుతూ సందడి చేస్తున్నారు.