సియాసాత్ పేర్కొన్న విధంగా పోలీసుల విచారణలో వెల్లడైన వివరాల ప్రకారం.. ఆంధ్రప్రదేశ్‌ రాష్ట్రం ప్రకాశం జిల్లా కనిగిరి ప్రాంతానికి చెందిన షేక్ మహబూబ్ బాషా (20) నగరంలోని ఓ సంస్థలో కొరియర్ డెలివరీ బాయ్‌గా పనిచేస్తున్నాడు. జులై 31వ తేదీన మియాపూర్‌లో నివాసం ఉంటున్న ఆదినారాయణమ్మ (38) అనే మహిళకు ఆయుర్వేద మందుల పార్శిల్ అందజేసేందుకు బాషా ఆమె ఇంటికి వెళ్లాడు. కాలింగ్ బెల్ మోగించగానే సదరు మహిళ తలుపు తీసి బయటకు వచ్చింది. అప్పటికే పథకం పన్నిన ఆ యువకుడు.. ఇంట్లో ఎవరైనా ఉన్నారా లేదా తానొక్కతే ఉందా అని మాటల మధ్యలో ఆరాతీశాడు. ఆమె ఇంట్లో ఎవరూ లేరని, తానొక్కతే ఉన్నానని అమాయకంగా బదులిచ్చింది.

నగరంలో చోటుచేసుకున్న ఈ తరహా నేరం పట్ల హైదరాబాద్ పోలీసులు పౌరులకు పలు కీలక సూచనలు జారీ చేశారు. ఆన్‌లైన్ ఆర్డర్లు, కొరియర్ డెలివరీల పేరుతో ఇళ్లకు వచ్చే అపరిచితుల పట్ల అత్యంత అప్రమత్తంగా ఉండాలని హెచ్చరించారు. సరైన గుర్తింపు కార్డులు చూసుకోకుండా, సంస్థ వివరాలు నిర్ధారించుకోకుండా నేరుగా ఇంటి తలుపులు పూర్తిగా తెరవకూడదని సూచించారు. ముఖ్యంగా మహిళలు, వృద్ధులు ఇంట్లో ఒంటరిగా ఉన్నప్పుడు డెలివరీ బాయ్స్ అడిగే వ్యక్తిగత ప్రశ్నలకు ఎట్టి పరిస్థితుల్లోనూ సమాధానాలు చెప్పొద్దని, ఏమాత్రం అనుమానం వచ్చినా వెంటనే డయల్ 100కు కాల్ చేసి ఫిర్యాదు చేయాలని అధికారులు స్పష్టం చేశారు.