తిరుమల శ్రీవారిని తమిళనాడు పాట్టాళి మక్కల్ కచ్చి (పామక) అధ్యక్షుడు, రాజ్యసభ సభ్యుడు అన్బుమణి రామదాస్ దర్శించుకున్నారు. ఈ సందర్భంగా ఆయన తమిళనాడు రాజకీయాలు, ప్రభుత్వ పరిపాలన, రైతుల సమస్యలపై మాట్లాడారు. తమిళనాడులో డీఎంకే ప్రభుత్వం ఏర్పడి 100 రోజులు పూర్తవుతున్న నేపథ్యంలో కొత్త ప్రభుత్వానికి పరిపాలనపై పూర్తిస్థాయిలో పట్టు సాధించేందుకు 100 రోజులు సరిపోవని, కనీసం ఆరు నుంచి ఎనిమిది నెలల సమయం అవసరమని తెలిపారు. కొత్త ప్రభుత్వం ఏర్పడిన తర్వాత రాష్ట్రంలో అవినీతి తగ్గడం స్వాగతించదగిన పరిణామమని, అయితే పరిపాలనలో అనుభవం లేని పాలకులు మరింత జాగ్రత్తగా వ్యవహరించాలని సూచించారు.