ఇద్దరు పిల్లల తల్లి అయినప్పటికీ, అదే ఫిజిక్ మెయింటైన్ చేయడం వెనుక ఉన్న ఆమె కష్టం నెటిజన్లను ఆశ్చర్యపరుస్తోంది. ఆమె జిమ్ ఫొటోస్, వీడియోస్ చూసి కుర్రాళ్ళు పరేషాన్ అవుతున్నారు. ఒకప్పుడు శారీలో, షార్ట్ దుస్తుల్లో అందాలు ఆరబోయే అనసూయ.. ఇప్పుడు జిమ్ వేర్ లో కూడా మంటలు పుట్టిస్తోంది అంటూ కామెంట్ల మోత మోగిస్తున్నారు నెటిజన్లు.

‘జబర్దస్త్’ షోతో విశేష ప్రజాదరణ పొందిన అనసూయ.. ‘సోగ్గాడే చిన్నినాయనా’, ‘క్షణం’ లాంటి చిత్రాలతో టాలీవుడ్ ఎంట్రీ ఇచ్చారు. సుకుమార్ దర్శకత్వంలో రామ్ చరణ్ నటించిన ‘రంగస్థలం’లో డీగ్లామరైజ్డ్ ‘రంగమ్మత్త’ పాత్ర ఆమె కెరీర్‌ను కీలక మలుపు తిప్పింది. ఆ తర్వాత ఐకాన్ స్టార్ అల్లు అర్జున్ ‘పుష్ప’, ‘పుష్ప 2’ చిత్రాల్లో దాక్షాయణిగా పవర్‌ఫుల్ నెగెటివ్ షేడ్స్ ఉన్న పాత్రలో నటించి మెప్పించారు. గ్లామర్ పాత్రలకే పరిమితం కాకుండా నటనకు ఆస్కారం ఉన్న వైవిధ్యమైన పాత్రలను ఎంచుకుంటూ టాలీవుడ్‌లో మోస్ట్ వాంటెడ్ క్యారెక్టర్ ఆర్టిస్ట్‌గా మారారు.

ఇటీవల ‘నాగబంధం’ సినిమాలో లీలావతిగా ప్రేక్షకులను పలకరించిన ఈ ముద్దుగుమ్మ, ప్రస్తుతం చేతినిండా ప్రాజెక్టులతో బిజీగా ఉన్నారు. రాబోయే రోజుల్లో ‘పుష్ప 3’ తో పాటు పాన్ ఇండియా స్థాయిలో తెరకెక్కుతున్న ‘వుల్ఫ్’, ‘ది చేజ్’ వంటి క్రేజీ ప్రాజెక్టుల్లో కీలక పాత్రల్లో కనిపించనున్నారు.