ఈ వీడియోను చూసిన చాలా మంది నెటిజన్లు ఆమెకు మద్దతుగా నిలుస్తున్నారు. ఆమెను ఓదారుస్తూ ట్వీట్స్ పెడుతున్నారు. ఇక మ్యాచ్ విషయానికి వస్తే..  తొలుత బ్యాటింగ్ చేసిన రాజస్తాన్ రాయల్స్ 20 ఓవర్లలో 8 వికెట్లకు 243 పరుగులు చేసింది. వైభవ్ సూర్యవంశీ (29 బంతుల్లో 97; 5 ఫోర్లు, 7 సిక్సర్లు) రెచ్చిపోయాడు. ధ్రువ్ జురెల్ (21 బంతుల్లో 51; 5 ఫోర్లు, 3 సిక్సర్లు) రాణించాడు. దాంతో రాజస్తాన్ రాయల్స్ భారీ స్కోరును సాధించింది.

అనంతరం ఛేదనకు దిగిన సన్ రైజర్స్ హైదరాబాద్ 19.2 ఓవర్లలో 196 పరుగులకు ఆలౌటైంది.  తొలి ఓవర్ రెండో బంతికే అభిషేక్ శర్మ (0) వికెట్‌ను కోల్పోయింది. అయితే ఆ తర్వాత క్రీజులోకి వచ్చిన ఇషాన్ కిషన్ (11 బంతుల్లో 33; 3 ఫోర్లు, 3 సిక్సర్లు) వచ్చీ రావడంతోనే విరుచుకుపడ్డాడు. మరో ఎండ్‌లో ట్రావిస్ హెడ్ కూడా తన బ్యాట్ నుంచి బౌండరీలు బాదాడు. ఫలితంగా సన్ రైజర్స్ హైదరాబాద్ 2.4 ఓవర్లు ముగిసే సరికి వికెట్ నష్టపోయి 51 పరుగులు చేసింది. ఈ స్థితిలో సన్ రైజర్స్ ఛేజ్ చేసేలా కనిపించింది. అయితే మూడో ఓవర్ 5వ బంతిని ఇషాన్ కిషన్ చెత్త షాట్ ఆడి అవుటయ్యాడు. ఇషాన్ అవుటైన తర్వాత నుంచి సన్ రైజర్స్ హైదరాబాద్ వరుసగా వికెట్లను కోల్పోయింది. స్మరన్ (1), ట్రావిస్ హెడ్ (17), క్లాసెన్ (18) అలా వచ్చి ఇలా వెళ్లారు. అయితే నితీశ్ కుమార్ రెడ్డి (38), సలీల్ అరోరా (35) కీలక భాగస్వామ్యాన్ని నెలకొల్పారు. దాంతో 10 ఓవర్లు ముగిసే సరికి సన్ రైజర్స్ హైదరాబాద్ మంచి స్కోరే చేసింది. అయితే తర్వాత లక్ష్యాన్ని మాత్రం చేధించలేకపోయింది.