అయితే ఈ అపహరణ వెనుక భారీ స్థాయి ఆర్థిక లావాదేవీలు ఉన్నట్లు ప్రాథమిక విచారణలో తెలుస్తోంది. రసూల్ ఇటీవల ఎర్రచందనం చెట్లు ఉన్న ఓ భారీ వెంచర్ డీల్ చేసినట్లు పోలీసులు అనుమానిస్తున్నారు. కడప జిల్లాకు చెందిన కొందరు వ్యక్తులతో కలిసి కోట్ల రూపాయల విలువైన ఈ భూ వ్యవహారం నడిపినట్లు సమాచారం. ఈ ఆర్థిక లావాదేవీల్లో తలెత్తిన తీవ్ర విభేదాలు, భూ వివాదాలు, లేదా మరేదైనా కక్షలే ఈ కిడ్నాప్‌కు ప్రధాన కారణమా అనే దిశగా పోలీసులు విచారణను ముమ్మరం చేశారు.

కిడ్నాప్‌పై సమాచారం అందుకున్న వెంటనే అప్రమత్తమైన పోలీసు యంత్రాంగం ప్రత్యేక బృందాలను రంగంలోకి దించింది. వ్యాపారిని వీలైనంత త్వరగా సురక్షితంగా రక్షించేందుకు అన్ని ప్రాంతాల్లో గాలింపు చర్యలు ముమ్మరం చేశారు. ఘటనా స్థలంలో లభించిన సీసీటీవీ ఫుటేజ్ సహా, రసూల్ మొబైల్ కాల్ డేటా, టోల్ ప్లాజాల వద్ద వాహనాల కదలికలు తదితర సాంకేతిక అంశాలను క్షుణ్ణంగా విశ్లేషిస్తున్నారు. నిందితుల జాడను పసిగట్టేందుకు టెక్నాలజీని ఉపయోగిస్తున్నారు.