తెలంగాణ రాష్ట్ర డైరెక్టర్ జనరల్ ఆఫ్ పోలీస్ (DGP)గా బాధ్యతలు చేపట్టిన సీవీ ఆనంద్, తన నియామకంపై ముఖ్యమంత్రి రేవంత్ రెడ్డికి ప్రత్యేక ధన్యవాదాలు తెలిపారు. గత కొన్ని దశాబ్దాలుగా తెలంగాణ పోలీసులు పాటిస్తున్న అత్యుత్తమ విధానాలను కొనసాగిస్తానని, ముఖ్యంగా గత ఏడాది కాలంగా ముఖ్యమంత్రి చర్చిస్తున్న ప్రాధాన్యత అంశాలపై ప్రత్యేక దృష్టి సారిస్తానని ఆయన చెప్పారు. దేశంలో మావోయిజం తగ్గుముఖం పట్టిన నేపథ్యంలో, పోలీస్ శాఖ తన పనితీరును మారుతున్న కాలానికి అనుగుణంగా మార్చుకోవాల్సిన అవసరం ఉందని ఆయన అభిప్రాయపడ్డారు. నక్సలిజం అణచివేతలో ఉమ్మడి ఏపీ మరియు తెలంగాణ రాష్ట్రాలు దేశానికే ఆదర్శంగా నిలిచాయని, లొంగిపోయిన వారికి పునరావాసం కల్పించడం వంటి విధానాలు మంచి ఫలితాలనిచ్చాయని ఆయన గుర్తు చేశారు.



Source link