అంతా సవ్యంగా జరుగుతుందనుకున్న టైమ్‌లో రిలీజ్ రోజున ఈ సినిమాకు అసలు చిక్కు ఎదురైంది. కొన్ని కారణాల వల్ల ఎక్కడ కూడా ఈ సినిమా షోలు పడలేదు. ఆలా గురువారం రిలీజ్ కావాల్సిన సినిమా శుక్రవారం ప్రేక్షకుల ముందుకు వచ్చింది. మాములు ఆడియెన్స్ వన్ టైమ్ వాచ్ అని రివ్యూలు ఇచ్చినా.. ఫ్యాన్స్‌కు మాత్రం ఫుల్ మీల్స్‌లా అనిపించిందని చెబుతున్నారు. ఈ సినిమాలో త్రిష హీరోయిన్‌గా నటించింది. ఇక ఇదిలా ఉంటే ఈ సినిమా బాక్సాఫీస్ దగ్గర మాత్రం విరుచుక పడుతుంది.

ఫస్ట్ వీకెండ్ కంప్లీట్ అయ్యేలోపు ఈ సినిమా వరల్డ్ వైడ్‌గా రూ.100 కోట్ల మార్క్‌ను దాటేసింది. మూడు రోజుల్లో ఈ సినిమా ఏకంగా రూ.120 కోట్లకు పైగా గ్రాస్ కలెక్షన్లు సాధించింది. ఇండియా వైడ్‌గా ఈ సినిమా రూ.78 కోట్లు కలెక్ట్ చేయగా.. ఓవర్సీస్‌లో రూ.42 కోట్లు కలెక్ట్ చేసింది. మొత్తంగా రూ.120 కోట్లు కలెక్ట్ చేసి సూపర్ హిట్ దిశగా దూసుకపోతుంది. ఈ సినిమాకు వరల్డ్ వైడ్‌గా రూ.70 కోట్ల రేంజ్‌లో ప్రీ రిలీజ్ బిజినెస్ జరిగింది. ఇప్పటి వరకు ఈ సినిమాకు వచ్చిన షేర్ రూ.60 కోట్లకు పైనే. అంటే మరో రూ.10 కోట్లు కొల్లగొడితే ఈ సినిమా బ్రేక్ ఈవెన్ పూర్తవుతుంది.

దత్త పుత్రుడు అంటూ సూర్యను ముద్దుగా పిలిచుకునే తెలుగు రాష్ట్రాల్లో కూడా ఈ సినిమా సాలిడ్ కలెక్షన్లు రాబడుతుంది. దాదాపు రూ.7 కోట్ల బ్రేక్ ఈవెన్ టార్గెట్‌తో బరిలోకి దిగిన ఈ సినిమా మూడు రోజులు పూర్తయ్యే సరికి రూ.4.5 కోట్ల వరకు షేర్ కలెక్షన్లు సాధించింది. అంటే ఇంకో రూ.2.5 కోట్లు కలెక్ట్ చేస్తే రెండు తెలుగు రాష్ట్రాల్లో క్లీన్ హిట్ అవుతుంది. ప్రస్తుతం ఈ సినిమాకున్న క్రేజ్‌కు ఆ టార్గెట్‌ను ఈజీగా రీచ్ అయిపోయింది.

ఈ సినిమా కథ విషయానికొస్తే.. హైదరాబాద్‌లోని నాంపల్లి రైల్వే స్టేషన్‌లో దొంగతనం జరిగిన తన నగలను రికవరీ చేసుకోవడానికి ఒక నిరుపేద తండ్రి పడే ఆరాటం చుట్టూ ఈ కథ తిరుగుతుంది. అవినీతిమయమైన న్యాయ వ్యవస్థ, స్వార్థపరుడైన లాయర్ బేబీ కృష్ణ (ఆర్జే బాలాజీ) వల్ల ఆ తండ్రికి అన్యాయం జరుగుతుంది. ఈ క్రమంలో నాంపల్లి క్షేత్రపాలకుడైన వీరభద్రుడు (సూర్య) స్వయంగా భూమిపైకి వచ్చి బాధితుడి తరపున ఎలా పోరాడారు? కోర్టులో దేవుడు చేసిన వాదనలేంటి? అన్నదే ఈ సినిమా కథ…