ఇటీవల ఎన్టీఆర్ తన అధికారిక ట్విటర్ ఖాతాలో ఓ పోస్ట్‌ను షేర్ చేశారు. ఆ పోస్ట్‌కు వేలాది మంది అభిమానులు కామెంట్లు చేస్తుండగా, ఒక అభిమాని ప్రత్యేకంగా స్పందిస్తూ తన అభిమానాన్ని వ్యక్తం చేశాడు. ఆ కామెంట్‌ను గమనించిన ఎన్టీఆర్ స్వయంగా రిప్లై ఇవ్వడం అభిమానులను ఆశ్చర్యానికి గురిచేసింది. స్టార్ హీరోలు సాధారణంగా అభిమానుల కామెంట్లకు ప్రత్యక్షంగా స్పందించడం అరుదుగా జరుగుతుండటంతో ఈ సంభాషణ సోషల్ మీడియాలో హాట్ టాపిక్‌గా మారింది.

అయితే మొదటి సారి తన కుకీస్ తయారుచేశానని వాటి ఫోటోలు, మేకింగ్ వీడియో తన ట్విటర్ అకౌంట్ ద్వారా పంచుకున్నారు.. ఆ పోస్ట్‌కు ఫ్యాన్స్‌ నుంచి భారీగా కామెంట్స్ వచ్చాయి. వాటిలో కొన్ని మా ఇంట్లో ఇద్దరు చిన్న పిల్లలు ఉన్నారు మాకు పంపించు తారక్ అన్నా అని పెట్టారు. సాధారణంగా ఇలాంటి పోస్టులను చాలా మంది సెలబ్రిటీలు పట్టించుకోరు. కానీ తన ఫ్యాన్‌కు ఎన్టీఆర్ మాత్రం వెంటనే స్పందించారు. ఆ ట్వీట్‌కు రిప్లై ఇస్తూ, ఒక మీమ్ టెంప్లేట్‌లోని “అడ్రస్ పెట్టు ముందు అడ్రస్ పెట్టు” అనే ఫన్నీ డైలాగ్‌ను షేర్ చేశారు. తారక్ ఇచ్చిన ఈ ట్వీట్‌కు మొత్తం ఇంటెర్నట్ షేక్ అయింది.

మన తారక్ అన్నా మనలాంటోడే అంటూ కామెంట్స్ పెడుతున్నారు నెటిజన్లు. కొద్ది నిమిషాల్లోనే ఈ ట్వీట్ వేల సంఖ్యలో లైకులు, రీట్వీట్లు సంపాదించగా, “అన్న టైమింగ్ మామూలుగా లేదు”, “ఫ్యాన్స్‌తో ఇలా కనెక్ట్ అయ్యేది తారక్ మాత్రమే” అంటూ అభిమానులు కామెంట్లు చేస్తున్నారు. దీంతో ఆ స్క్రీన్‌షాట్‌ను ఫ్యాన్స్ భారీగా షేర్ చేస్తూ వైరల్ చేస్తున్నారు. “తారక్ అన్న మా కామెంట్లు కూడా చదువుతారు”, “స్టార్ హీరో అయినా అభిమానులను మర్చిపోలేదు”, “ఇదే ఆయన గొప్పతనం” అంటూ సోషల్ మీడియాలో ప్రశంసలు వెల్లువెత్తుతున్నాయి.

ఇదిలా ఉండగా, ఎన్టీఆర్ ప్రస్తుతం తన కెరీర్‌లో అత్యంత బిజీ దశలో ఉన్నారు. ఒకవైపు బాలీవుడ్‌లో భారీ అంచనాల మధ్య రూపొందుతున్న War 2 సినిమాతో పాటు, మరోవైపు దర్శకుడు ప్రశాంత్ నీల్ దర్శకత్వంలో తెరకెక్కుతున్న ‘ఎన్‌టీఆర్-నీల్’ ప్రాజెక్ట్‌పై దృష్టి సారిస్తున్నారు. ఈ సినిమా కోసం ఆయన చేసిన ఫిజికల్ ట్రాన్స్‌ఫర్మేషన్ ఇప్పటికే సోషల్ మీడియాలో చర్చనీయాంశంగా మారింది.

సినిమాల విషయంలో ఎంత బిజీగా ఉన్నా, అభిమానులతో అనుబంధాన్ని కొనసాగించడంలో ఎన్టీఆర్ ఎప్పుడూ ముందుంటారు. గతంలో కూడా పలుమార్లు అభిమానుల ప్రేమకు స్పందించిన ఆయన, ఈసారి ఇన్‌స్టాగ్రామ్‌లో ఇచ్చిన చిన్న రిప్లైతో మరోసారి వార్తల్లో నిలిచారు. స్టార్ హీరో నుంచి నేరుగా స్పందన రావడంతో ఆ అభిమాని ఆనందానికి అవధులు లేకుండా పోయాయి.

ప్రస్తుతం ఈ సంభాషణకు సంబంధించిన స్క్రీన్‌షాట్లు సోషల్ మీడియా ప్లాట్‌ఫార్మ్‌లన్నింటిలో వైరల్ అవుతున్నాయి. అభిమానులు మాత్రం “ఇదే మా తారక్ స్టైల్” అంటూ తమ హీరోపై ప్రేమను మరింతగా వ్యక్తం చేస్తున్నారు. సినీ వర్గాల్లో కూడా ఈ ఘటన ఆసక్తికర చర్చకు దారితీసింది. చిన్న కామెంట్‌తో మొదలైన ఈ సంభాషణ ఇప్పుడు ఎన్టీఆర్ అభిమానుల మధ్య ప్రత్యేక జ్ఞాపకంగా మారిపోయింది.