“వైభవ్ భారత్-ఎ జట్టు నుండి సీనియర్ జట్టుతో కలిసి శ్రీలంక పర్యటనకు ఎంపికయ్యాడు. అతను ఇంకా చాలా చిన్న పిల్లాడు, మైనర్. గతంలో అతను అండర్-19 వరల్డ్ కప్ వంటి టోర్నీల కోసం తన వయసు పిల్లలతో కలిసి ప్రయాణించాడు. కానీ ఇప్పుడు పూర్తిగా పెద్దవారైన ఆటగాళ్లతో (మెన్స్ టీమ్) కలిసి ప్రయాణిస్తున్నాడు. అందుకే అతనితో పాటు తల్లిదండ్రులు లేదా కుటుంబ సభ్యులు ఎవరైనా శ్రీలంకకు వెళ్లడం సరైనదని భావించాం.

ఈ విషయమై మేము వారి తల్లిదండ్రులను కోరగా, దానికి వారు అంగీకరించారు. ప్రస్తుతం శ్రీలంక పర్యటనలో ఉన్న వైభవ్‌తో కలవడానికి అతని తండ్రి ఇప్పటికే బయలుదేరారు. ఆ తర్వాత జరగబోయే ఇంగ్లాండ్ పర్యటనకు కూడా వారు వెళ్లాలనుకుంటే బీసీసీఐ పూర్తి మద్దతు ఇస్తుంది. అతను సీనియర్ ఆటగాళ్లతో కలిసిపోవడానికి కొంత సమయం పడుతుంది. సాధారణంగా మేము ఏ ఆటగాడి తల్లిదండ్రులను పర్యటనలకు అనుమతించము. కానీ అతను కేవలం 15 ఏళ్ల వయసులోనే ఉన్నందున, ఈ వయోజన ప్రపంచంలో (adult world) సౌకర్యవంతంగా సర్దుబాటు చేసుకునేందుకు ఈ మినహాయింపు ఇచ్చాం” అని సైకియా వివరించారు.

ఈ ఎంపికతో వైభవ్ సూర్యవంశీ.. 36 ఏళ్ల క్రితం నాటి సచిన్ టెండూల్కర్ రికార్డును బద్దలు కొట్టాడు. భారత సీనియర్ జట్టుకు ఎంపికైన అత్యంత పిన్న వయస్కుడిగా రికార్డు సృష్టించిన వైభవ్, రాబోయే మ్యాచ్‌ల్లో అరంగేట్రం చేస్తే.. దేశం తరఫున ఆడిన అత్యంత చిన్న వయస్కుడిగా చరిత్రకెక్కుతాడు.