తాజాగా ఈ మూవీ టైటిల్ పోస్టర్‌ను ప్రముఖ నటుడు, దర్శకుడు రాధాకృష్ణన్ పార్తిబన్ రిలీజ్ చేశారు. ‘ఫీల్ మై లవ్’ టైటిల్ పోస్టర్ కూడా ఎంతో ఫీల్ ఇచ్చేలా ఉంది. ఇదొక అందమైన ప్రేమ కథతో అన్ని వర్గాల ప్రేక్షకుల్ని మెప్పించే కథనంతో రాబోతోంది. చెన్నై, పుదుచ్చేరిలోని అద్భుతమైన లొకేషన్లలో సినిమాని చిత్రీకరించారు. చివరి షెడ్యూల్‌ను అద్భుతమైన హిల్ స్టేషన్ అయిన మున్నార్‌లో షూట్ చేయనున్నారు. ఇది కథనానికి విజువల్ గ్రాండియర్‌ను, ఓ కొత్త ఎక్స్‌పీరియెన్స్‌ను ఇస్తుంది.

ఎం.ఎస్. సతీష్ ఈ చిత్రానికి సినిమాటోగ్రఫీని అందిస్తున్నారు. రాజరవివర్మ ఎస్, బాలసుబ్రహ్మణ్యన్ జి ద్వయం ఈ చిత్రానికి సంగీత దర్శకులుగా పని చేస్తున్నారు. అజయ్ మనోజ్ ఈ చిత్రానికి ఎడిటర్‌గా పని చేస్తున్నారు. ఈ చిత్రం తమిళ, తెలుగు, కన్నడ, మలయాళం, హిందీ భాషలలో పాన్ ఇండియా వైడ్‌గా రిలీజ్ కానుంది. త్వరలోనే ఓ భారీ ఆడియో లాంచ్, ట్రైలర్ లాంచ్ ఈవెంట్‌లో టీం సందడి చేయనుంది. ఈ సినిమాలో ఆదిత్య భాస్కర్, ఐరా, అమ్ము అభిరామి, రాజయ్యప్ప, నోబెల్ జేమ్స్, ప్రియాంక తదితరులు కీలక పాత్రల్లో నటించగా.. రాజరవివర్మ ఎస్, బాలసుబ్రహ్మణ్యన్ జి సంగీతం అందిస్తున్నారు.