‘లైఫ్‌లో ఇన్వైట్ చేయని గెస్టులు చాలా మంది వస్తుంటారు.. వచ్చి మన లైఫ్‌ని మార్చేస్తారు.. ఆ గెస్ట్ మనిషే అవ్వాల్సిన అవసరం లేదు.. మనల్ని పరుగెత్తించి, ఇబ్బంది పెట్టి చావు వరకు తీసుకెళ్లి వదిలిపెట్టే ఆ పిలవని అతిథి’ అనే వాయిస్ ఓవర్‌లో టీజర్ ఎంతో ఇంట్రెస్టింగ్‌గా సాగుతుంది. నలుగురు అమ్మాయిల జీవితం ఓ రెడ్ బ్యాగ్ వల్ల తలకిందులు అవుతున్నట్టుగా చూపిస్తున్నారు. అసలు ఆ రెడ్ బ్యాగ్‌లో ఏముంది? అమ్మాయిలకి ఆ బ్యాగ్‌కి ఉన్న సంబంధం ఏంటి? ఆ రెడ్ బ్యాగ్‌తో మాఫియాకి ఉన్న లింక్ ఏంటి? అనే ఆసక్తికరమైన ప్రశ్నలు తలెత్తేలా టీజర్‌ను అద్భుతంగా కట్ చేశారు.

ఈ టీజర్‌లోని విజువల్స్, కట్స్, యాక్షన్ సీక్వెన్స్, ఆర్ఆర్ అదనపు ఆకర్షణ అని చెప్పుకోవచ్చు. హై స్టాండర్డ్‌లో కనిపిస్తున్న ఈ టీజర్ ఒక్కసారిగా అంచనాలు పెంచేసింది. చివర్లో డైలాగ్స్ ఏమీ చెప్పకుండా రాశీ ఇచ్చిన ఎక్స్‌ప్రెషన్‌ హైలెట్‌గా నిలిచింది. ఇక నలుగురు హీరోయిన్స్ ఎంత గ్లామరస్‌గా కనిపిస్తున్నారో.. అంత వయలెంట్‌గా తెరరపై విధ్వంసం చేసినట్టు అనిపిస్తోంది.

ఈ సినిమాకి శేఖర్ మోపురి సంగీతం, ప్రియేష్ గురుస్వామి కెమెరా వర్క్, శివ శర్వాణి ఎడిటింగ్ బాధ్యతల్ని నిర్వర్తించారు. త్వరలోనే ఈ చిత్రానికి సంబంధించిన రిలీజ్ డేట్‌ను ప్రకటించనున్నారు. ఈ సినిమాలో కబీర్ సింగ్, ప్రసాద్ బెహరా, రాధ్య, మోనిక, స్నేహా సింగ్, ఆకాంక్ష, ఈషాన్ శంకర్, అవినాష్ బాదల్, భార్గవి, రాశీ తదితరులు కీలక పాత్రల్లో నటించారు.