భవిష్యత్తు ప్రణాళికలను ప్రకటిస్తూ.. హైదరాబాద్‌లోని బసవతారకం ఆసుపత్రి సేవలను మరింత అత్యాధునికీకరించడంతో పాటు, త్వరలోనే ఆంధ్రప్రదేశ్ రాజధాని అమరావతిలో కూడా బసవతారకం క్యాన్సర్ ఆసుపత్రిని నిర్మించనున్నట్లు బాలకృష్ణ వెల్లడించారు. గతేడాది ఆగస్టులోనే అమరావతిలో ఈ నూతన హాస్పిటల్ భవన నిర్మాణానికి భూమి పూజ చేసిన విషయాన్ని ఆయన గుర్తుచేశారు.

ఈ రజతోత్సవ వేడుకలకు దేశ, రాష్ట్ర రాజకీయ ప్రముఖులతో పాటు టాలీవుడ్ పరిశ్రమ మొత్తం తరలివచ్చింది. భారత మాజీ ఉపరాష్ట్రపతి ముప్పవరపు వెంకయ్యనాయుడు, కేంద్రమంత్రులు అనుప్రియ పటేల్, డా. పెమ్మసాని చంద్రశేఖర్, ఆంధ్రప్రదేశ్ ముఖ్యమంత్రి నారా చంద్రబాబు నాయుడు, తెలంగాణ వైద్య ఆరోగ్య శాఖ మంత్రి దామోదర రాజనర్సింహ, ఏపీ మంత్రి సత్యకుమార్ యాదవ్ ముఖ్య అతిథులుగా హాజరయ్యారు. వీరితో పాటు దివంగత ఎన్టీఆర్ కుటుంబ సభ్యులు కూడా పాల్గొన్నారు.