ఈ శుభవార్త తెలియడంతో అటు సినీ ఇండస్ట్రీతో పాటు ఇటు రాజకీయ వర్గాల్లోనూ హర్షం వ్యక్తమవుతోంది. నారా, నందమూరి అభిమానులు సోషల్ మీడియా వేదికగా ఈ నూతన దంపతులకు శుభాకాంక్షలు వెల్లువెత్తిస్తున్నారు. ప్రస్తుతానికి తల్లి, బిడ్డ ఇద్దరూ క్షేమంగా ఉన్నట్లు సమాచారం.

శుభాకాంక్షల వెల్లువ..

ఆంధ్రప్రదేశ్ ముఖ్యమంత్రి నారా చంద్రబాబు నాయుడు, నారా లోకేష్ సహా నందమూరి కుటుంబ సభ్యులు నారా రోహిత్-సిరి లేళ్ల దంపతులకు తమ ప్రత్యేక అభినందనలు తెలియజేశారు. ఇండస్ట్రీకి చెందిన పలువురు యంగ్ హీరోలు, దర్శకులు మరియు నిర్మాతలు కూడా సామాజిక మాధ్యమాల ద్వారా ఈ ‘మెగా అప్‌డేట్’పై స్పందిస్తూ, బాబు ఆరోగ్యంగా ఉండాలని ఆకాంక్షించారు. వరుస సినిమాలతో బిజీగా ఉంటూనే, వ్యక్తిగత జీవితంలో తండ్రిగా కొత్త బాధ్యతలు స్వీకరించిన నారా రోహిత్ కెరీర్ పరంగా కూడా మరింత సక్సెస్ సాధించాలని ఇండస్ట్రీ వర్గాలు కోరుకుంటున్నాయి.