యూరప్‌లోని అత్యధిక శాతం ఇళ్లు, భవనాలను కొన్ని దశాబ్దాల క్రితం నాటి శీతాకాల పరిస్థితులను దృష్టిలో ఉంచుకుని నిర్మించారు. అక్కడి ఇళ్ల గోడలు మందంగా ఉండి, కిటికీలు చిన్నవిగా ఉంటాయి. ఇవి ఇంట్లోని వేడి బయటకు పోకుండా లోపలే ట్రాప్ (బంధించి) చేసి ఉంచుతాయి (Thermal Insulation). శీతాకాలంలో ఇది వరమే అయినా, ప్రస్తుత వేసవి కాలంలో ఇది శాపంగా మారింది. బయట 40 డిగ్రీలు ఉంటే, ఇళ్ల లోపల వేడి మరింత పెరిగిపోయి ఉక్కపోత తీవ్రమవుతోంది. దీనికి విరుద్ధంగా భారత్, చైనా వంటి ఆసియా దేశాల్లో ఇళ్లను గాలి, వెలుతురు ధారాళంగా వచ్చేలా (Ventilation) డిజైన్ చేస్తారు.

2. ఎయిర్ కండిషనర్లు (AC) లేకపోవడం

భారత్, చైనాలలో ఎండలు ఎక్కువ కాబట్టి ఇళ్లలో ఏసీలు, కూలర్లు, కనీసం ఫ్యాన్లు సర్వసాధారణం. కానీ యూరప్‌లో చల్లటి వాతావరణం ఉండటం వల్ల చాలా ఇళ్లలో, ఆసుపత్రుల్లో, పాఠశాలల్లో కనీసం ఫ్యాన్లు కూడా ఉండవు. ఇప్పుడు హఠాత్తుగా ఎండలు పెరగడంతో వారు ఏసీల కోసం చైనా మార్కెట్లపై ఆధారపడాల్సి వస్తోంది. ప్రస్తుతం యూరప్‌లో చైనా తయారీ ఏసీల అమ్మకాలు రికార్డు స్థాయిలో పెరిగాయి.

3. రోడ్ల తయారీలో సాంకేతికత

యూరప్‌లో 40 డిగ్రీలకే రోడ్లు, రైలు పట్టాలు కరిగిపోవడానికి కారణం వాటి నిర్మాణంలో వాడే తారు మిశ్రమం. ఆయా దేశాల వాతావరణాన్ని బట్టి తారును ఎంత ఉష్ణోగ్రత వద్ద కరగాలో డిజైన్ చేస్తారు. యూరప్ రోడ్లను తక్కువ ఉష్ణోగ్రతలకు తట్టుకునేలా తయారు చేయడం వల్ల అవి 40 డిగ్రీలకే మెత్తబడిపోతాయి. అదే భారత్, చైనాలలో 50 డిగ్రీల ఎండలను కూడా తట్టుకునేలా ప్రత్యేక తారు మిశ్రమ సాంకేతికతను వాడుతారు.

4. చైనా టెక్నాలజీ.. సోలార్ పవర్ అండ

తీవ్రమైన ఎండల వల్ల నదుల్లో నీరు వేడెక్కి ఫ్రాన్స్ వంటి దేశాల్లోని అణు విద్యుత్ కేంద్రాలు (Nuclear Plants) ఉత్పత్తిని తగ్గించాల్సి వస్తోంది. ఇలాంటి పవర్ సంక్షోభ సమయంలో చైనా అందించే సోలార్ టెక్నాలజీ యూరప్‌ను ఆదుకుంటోంది. చైనా ప్రపంచంలోనే అత్యధికంగా విండ్, సోలార్ ఎనర్జీని ఉత్పత్తి చేస్తూ, తక్కువ ధరకే సోలార్ ప్యానెళ్లను యూరప్‌కు ఎగుమతి చేస్తోంది. ఎండలు ఎక్కువగా ఉన్నప్పుడే ఈ సోలార్ పవర్ గరిష్టంగా ఉత్పత్తి అవుతూ పవర్ గ్రిడ్లు ఫెయిల్ కాకుండా కాపాడుతోంది.

5. హ్యుమిడిటీ

ఆసియా ప్రజల శరీరాలు, జీవనశైలి తరతరాలుగా ఎండలను తట్టుకునేలా అలవాటు పడిపోయాయి. కానీ యూరోపియన్ల శరీరాలు ఈ స్థాయి వేడికి సిద్ధంగా లేవు. దీనితో పాటు యూరప్‌లో పగటి సమయం ఎక్కువగా ఉండటం (ఉదయం 5 నుండి రాత్రి 10 వరకు సూర్యుడు ఉండటం), రాత్రి పూట కూడా వేడి తగ్గకపోవడం వల్ల వారి శరీరాలు అలసట నుండి కోలుకోలేకపోతున్నాయి.

ఉష్ణోగ్రత అనేది కేవలం థర్మామీటర్‌లో కనిపించే నంబర్ మాత్రమే కాదని.. దానిని తట్టుకోవడంలో ఆయా దేశాల ఇన్ఫ్రాస్ట్రక్చర్, ఆర్కిటెక్చర్, టెక్నాలజీ కీలక పాత్ర పోషిస్తాయని ఈ విశ్లేషణ స్పష్టం చేస్తోంది.