సినిమా ప్రారంభం ఎంతో బలంగా మొదలవుతుందని, ఆసక్తికరమైన పాత్రలు, ముఖ్యంగా జూనియర్‌ఎన్టీఆర్‌ వాయిస్‌ ఓవర్‌ మొదటి నుంచే ప్రేక్షకులను సినిమాకు కనెక్ట్ చేస్తుందని చెబుతున్నారు. అయితే, సినిమా రన్ అవుతున్నా కొద్దీ కథనం కాస్త నెమ్మదిస్తుందని, చిత్రంలోని ప్రేమకథ పెద్దగా ప్రభావం చూపలేకపోయిందని అంటున్నారు. మంచి అవకాశమున్నప్పటికీ, ఎమోషనల్ డ్రామా ఆశించిన స్థాయిలో మెప్పించలేకపోయిందని పేర్కొంటున్నారు.

ప్రీ-ఇంటర్వెల్‌ బ్లాక్‌ నుంచి సినిమా మళ్లీ ఊపందుకుంటుందని, ముఖ్యంగా తమన్‌ అందించిన బ్యాక్‌గ్రౌండ్‌ మ్యూజిక్‌ అద్భుతంగా ఉందని కొందరు చెబుతున్నారు. ముఖ్యంగా ఇంటర్వెల్‌ బ్యాంగ్‌ సెకండాఫ్‌పై ప్రేక్షకుల్లో నిజమైన ఆసక్తిని పెంచుతుంది. ఈ సినిమాలో గ్రామీణ వాతావరణం, కుటుంబ భావోద్వేగాలు, మాస్ సీన్స్ అన్నీ ఉన్నాయని అంటున్నారు. అఖిల్, భాగ్య శ్రీ కెమిస్ట్రీ బాగా కుదిరిందని, ఈ సినిమా అఖిల్ కెరీర్ లో ప్రత్యేకం అయ్యే ఛాన్స్ అయితే ఉందని అంటున్నారు ఆడియన్స్.