కథ ఏంటంటే.. రాయలసీమలోని రామాపురం అనే ప్రశాంతమైన గ్రామం. పగలు, ప్రతీకారాలు ఎరగని ఆ ఊరిలోకి పదేళ్ల అనాథ పిల్లాడు ‘లెనిన్’ అడుగుపెడతాడు. ఆ ఊరి పెద్దావిడ (ఈశ్వరీరావు) అతడిని అక్కున చేర్చుకుంటుంది. ఆమె కొడుకు వసంత్ (ప్రమోద్ పంజు)తో లెనిన్‌కు ప్రాణస్నేహం ఏర్పడుతుంది. అయితే, ఊహించని పరిణామాల మధ్య జైలుకు వెళ్లిన లెనిన్, కొన్నేళ్ల తర్వాత తిరిగి వచ్చాక తన ప్రాణ స్నేహితుడు వసంత్‌తో సహా ఊరిలోని వంద మందిని దారుణంగా నరికి చంపుతాడు. అసలు రక్తం రుచే తెలియని ఆ నేలపై లెనిన్ ఎందుకు రక్తపాతం సృష్టించాడు? స్నేహానికి ప్రాణమిచ్చే వాడు నమ్మకద్రోహానికి ఎలా బలయ్యాడు? అన్నదే ఈ సినిమా మెయిన్ స్టోరీ.

సాంకేతికంగా ఈ సినిమా అత్యున్నత ప్రమాణాలతో తెరకెక్కింది. మ్యూజిక్ డైరెక్టర్ థమన్ అందించిన నేపథ్య సంగీతం ఈ యాక్షన్ డ్రామాకు ప్రాణం పోసింది. ‘వారెవా.. వారెవా..’ పాట వినసొంపుగా ఉంది. 90ల నాటి వాతావరణాన్ని ఆర్ట్ విభాగం అద్భుతంగా రీక్రియేట్ చేసింది. కెమెరా వర్క్ అత్యుత్తమంగా ఉంది. ప్రథమార్థం కాస్త స్లో అవ్వడం, సెకండాఫ్‌లో రక్తపాతం (హింస) మోతాదు మరీ ఎక్కువగా ఉండటం ఈ సినిమాకు ఉన్న ప్రధాన బలహీనతలు. అయినప్పటికీ, ఆద్యంతం ఊహించని మలుపులతో సాగే సెకండాఫ్ సినిమాను నిలబెట్టింది. మొత్తానికి మాస్ యాక్షన్ చిత్రాలను ఇష్టపడేవారికి, ముఖ్యంగా అక్కినేని అభిమానులకు ‘లెనిన్’ ఒక పండుగ లాంటి సినిమా.

రేటింగ్: 2.75