ఈ సినిమాకు సంబంధించిన అత్యంత కీలకమైన టాక్ పార్ట్, యాక్షన్ షెడ్యూల్‌ను రాజస్థాన్‌లోని పాత కోటలు, ఎడారి ప్రాంతాలలో విజయవంతంగా పూర్తి చేసినట్లు మేకర్స్ ప్రకటించారు. ఈ షెడ్యూల్‌తో టాక్ పార్ట్ చిత్రీకరణ దాదాపు ముగింపు దశకు చేరుకుంది. ఓ వైపు షూటింగ్ చేస్తూనే మరోవైపు పోస్ట్ ప్రొడక్షన్ పనులను కూడా శరవేగంగా నడిపిస్తున్నారు. భారతీయ వెండితెరపై ప్రేక్షకులు ఇంతకు ముందెన్నడూ చూడని సరికొత్త విజువల్ వండర్‌ను ఆవిష్కరించేందుకు అంతర్జాతీయ ప్రమాణాలతో కూడిన భారీ విఎఫ్ఎక్స్ (VFX) పనులు ప్రస్తుతం జరుగుతున్నాయి.

ఈ ప్రతిష్టాత్మక చిత్రంలో నాగచైతన్య సరసన మోస్ట్ హ్యాపెనింగ్ బ్యూటీ మీనాక్షి చౌదరి కథానాయికగా నటిస్తుండగా, బాలీవుడ్ సెన్సేషనల్ హిట్ ‘లాపతా లేడీస్’ ఫేమ్ స్పర్ష్ శ్రీవాస్తవ టాలీవుడ్ ఎంట్రీ ఇస్తూ పవర్‌ఫుల్ పాత్రలో కనిపించనున్నారు. టాలీవుడ్ లీడింగ్ ప్రొడక్షన్ హౌస్ ‘శ్రీ వెంకటేశ్వర సినీ చిత్ర’ (SVCC) పతాకంపై బి.వి.ఎస్.ఎన్ ప్రసాద్ ఈ చిత్రాన్ని నిర్మిస్తుండగా, క్రియేటివ్ డైరెక్టర్ సుకుమార్‌కు చెందిన ‘సుకుమార్ రైటింగ్స్’ ఈ ప్రాజెక్ట్‌లో భాగస్వామిగా వ్యవహరిస్తోంది.