ఐపీఎల్ 2026లో భాగంగా నేడు రాయ్‌పూర్ వేదికగా జరిగిన మ్యాచ్‌లో ఆర్సీబీపై కేకేఆర్ భారీ స్కోర్ సాధించింది. రఘువంశీ, రింకూ సింగ్‌ల మెరుపు ఇన్నింగ్స్‌తో కేకేఆర్ నిర్ణీత 20 ఓవర్లలో 4 వికెట్లు కోల్పోయి 192 పరుగులు సాధించింది. టాస్ ఓడి బ్యాటింగ్‌కు దిగిన KKRకు ఆరంభంలోనే షాక్ తగిలింది. అంజిక్య  రహానే (19), ఫిన్ ఆలెన్ (18) వేగంగా పరుగులు చేసినా.. తక్కువ పరుగులకే ఔటయ్యారు. ఆ తర్వాత వచ్చిన రఘువంశీ 71 (7 ఫోర్లు, 3 సిక్సులు) జట్టును ఆదుకున్నాడు. కెమెరాన్ గ్రీన్‌తో (32) కలిసి స్కోర్ బోర్డును పరుగులు పెట్టించాడు. ఇక గ్రీన్ ఔటైన తర్వాత వచ్చిన రింకూ సింగ్ 49* (3 ఫోర్లు, 2 సిక్సులు) అద్భుతంగా బ్యాటింగ్ చేశాడు. దీంతో కేకేఆర్ భారీ స్కోర్ సాధించగలిగింది. ఇక ఆర్సీబీ బౌలర్లలో భువీ, హేజల్‌వుడ్, రసిక్ సలామ్ చెరో వికెట్ తీసుకున్నారు.