ఈ సినిమా కథ మట్టపర్రు అనే గ్రామం చుట్టూ తిరుగుతుంది. కులాల పేరుతో కొట్టుకునే ఆ ఊరిలో హరీ అలియాస్ సువిక్షీత్, వాణి అలియాస్ గీతికా రతన్‌లు ఒకరికి ఒకరంటే ప్రాణం. వాణి అన్న పరుశురాం ఊరిలో బాగా పలుకుబడి ఉన్న వ్యక్తి. పేదవాడైన హరి.. పెద్ద ఇంటి అమ్మాయి వాణిని చిన్నప్పటి నుంచి ప్రేమిస్తుంటాడు. వాణికి కూడా హరి అంటే ఇష్టం. వీరిద్దరు శుక్రవారం దూరదర్శినిలో వచ్చే చిత్ర లహరిని చూడడానికి వెళ్తూ ప్రేమించుకుంటుంటారు. అంతా సాఫీగా జరుగుతుందనుకున్న టైమ్‌లో వాణి అన్న పరుశురాంకు, హరీకి మధ్య గొడవ అవుతుంది. దాంతో వీళ్ల ప్రేమకు పరుశురాం అడ్డుచెప్తాడు. చివరికి హరి, వాణిలు వాళ్ల ప్రేమను గెలిపించుకోవడానికి ఏం చేశారు అనేది తెలియాలంటే థియేటర్‌లో ఈ సినిమా చూడాల్సిందే…

ప్రతీ శుక్రవారం రాత్రి దూరదర్శినిలో వచ్చే చిత్ర లహరి అప్పటి కుర్రాళ్లకు ఒక ఎమోషన్. అంతేందుకు అప్పట్లో చాలా ప్రేమ కథలు కూడా చిత్ర లహరి వల్ల పుట్టాయి. అలాంటి ఎమోషన్‌ను తీసుకుని దాని చుట్టూ కథ అల్లుకున్నాడు దర్శకుడు కార్తికేయ కొమ్మి. మట్టప్పరు అనే గ్రామంలో దూరదర్శిని ఇద్దరిని ఎలా కలిపింది అనేది చాలా బాగా చూపించాడు. కేవలం హీరో హీరోయిన్‌ల లవ్ స్టోరీ మాత్రమే కాదు కులాల వల్ల మనుషులు జీవితం ఎంత దారుణంగా అయిపోతుందో చూపించారు. ఫస్ట్ హాఫ్ మొత్తం పాత్రల పరిచయం.. హరి, వాణిల ప్రేమను చూపించారు. అయితే కొన్ని చోట్ల కాస్త సాగదీతలా అనిపిస్తుంది. మళ్లీ ఇంటర్వెల్‌కు మంచి పికప్ అందుకుంటుంది. సెకండాఫ్‌లో ఎమోషన్స్ బాగా వర్కవుట్ అయ్యాయి. కొన్ని చోట్ల కామెడీ కూడా పర్వాలేదనిపిస్తుంది. క్లైమాక్స్ ట్విస్ట్ అయితే మాములుగా ఉండదు.

ఈ సినిమాతో హీరో, హీరోయిన్‌లుగా పరిచయమైన సువీక్షిత్, వాణీలు మంచి పర్ఫార్మెన్స్ కనబరిచారు. డెబ్యూ సినిమానే అయినా.. అనుభవమున్న నటులుగా యాక్టింగ్ చేశారు. హీరో ఫ్రెండ్స్‌గా నటించిన భద్ర, బలరామ్‌లతో పాటు హీరో గ్యాంగ్ మంచి కామెడీ పండించింది. హీరో అన్నగా నటించిన పరుశురాం కూడా మంచి గంభీరమైన పర్ఫార్మెన్స్‌తో బాగా నటించాడు.

సంగీతం ఈ సినిమాకు బాగా ప్లస్ అయింది. సింపుల్ సీన్లను కూడా ఆనంద్ గుర్రన తన మ్యూజిక్‌తో మ్యాజిక్ చేశాడు. పాటలు పెద్దగా ఎక్కలేదు కానీ.. బ్యాక్ గ్రౌండ్ మ్యూజిక్ ఆకట్టుకుంది. ఎడిటింగ్‌కు ఇంకాస్త పని చెప్పుంటే బాగుండేది అనిపించింది. నిర్మాణ విలువలు బాగున్నాయి.

స్టోరీ,

స్లోగా నడిచే కథనం,