బీహార్‌లోని లఖీసరాయ్ జిల్లాలోని అశోక్ ధామ్ ఆలయం సమీపంలో సోమవారం (ఆగస్టు 17) ఉదయం జరిగిన తొక్కిసలాట ఘటనలో కనీసం ఏడుగురు భక్తులు ప్రాణాలు కోల్పోయారు. 14 నుంచి 19 మంది వరకు గాయపడ్డారు. ఈ విషాద ఘటనపై ప్రధానమంత్రి నరేంద్ర మోదీ తీవ్ర సంతాపం వ్యక్తం చేశారు. ఆయన ఎక్స్‌లో పోస్ట్ చేస్తూ, “లఖీసరాయ్, బీహార్‌లో తొక్కిసలాట వల్ల ప్రాణాలు కోల్పోయినందుకు నేను వేదన చెందుతున్నాను. ఈ విషాద సమయంలో బాధిత కుటుంబాల పట్ల ఆవేదన వ్యక్తం చేస్తున్నాను. గాయపడినవారు త్వరగా కోలుకోవాలని కోరుకుంటున్నాను. స్థానిక పరిపాలనా యంత్రాంగం.. బాధితులకు సహాయం అందిస్తోంది” అని తెలిపారు. ఈ ప్రకటనను ప్రధానమంత్రి కార్యాలయం అధికారికంగా నిర్ధారించింది.