Last Updated:
IVF calf: అసోంలో ప్రపంచపు తొలి ఐవీఎఫ్ ‘లఖిమీ’ దూడ జన్మించింది. పాడి పరిశ్రమలో సరికొత్త విప్లవానికి నాంది పలికింది. దాని ప్రత్యేకతలు తెలుసుకుందాం. అది ఎలా కొత్త విప్లవానికి తెర తీస్తోందో చూద్దాం.
భారతదేశ పాడి పరిశ్రమ, పశుసంవర్థక, బయోటెక్నాలజీ రంగంలో అసోం రాష్ట్రం ఒక అద్భుతమైన, చరిత్రాత్మక ఘట్టాన్ని నమోదు చేసింది. అసోంకి చెందిన స్థానిక స్వదేశీ గో జాతి అయిన ‘లఖిమీ’ (Lakhimi) జాతిలో ప్రపంచంలోనే మొట్టమొదటి ఇన్-విట్రో ఫెర్టిలైజేషన్ (IVF) విధానం ద్వారా ఒక ఆడ దూడ జన్మించింది. అసోం ముఖ్యమంత్రి హిమంత బిశ్వ శర్మ ఈ ఆనందకరమైన వార్తను సోషల్ మీడియా వేదికగా పంచుకున్నారు. ఈ విజయాన్ని ఆయన “సభ్యత, సంస్కృతి, సృజన్” (నాగరికత, సంస్కృతి, సృష్టి) ల అద్భుత కలయికగా అభివర్ణించారు. రాష్ట్ర బయోటెక్నాలజీ చరిత్రలో ఇది చాలా పెద్ద ముందడుగు అని ఆయన అన్నారు.
