మహారాష్ట్రలోని హింగోలి జిల్లా సంతుక్ పింప్రి గ్రామం నుంచి కాక్రోచ్ జనతా పార్టీ (సీజేపీ) వ్యవస్థాపకుడు అభిజీత్ దీప్కే స్వాతంత్ర్య దినోత్సవం సందర్భంగా ‘స్కూల్ ఠీక్ కరో’ (బడిని బాగు చెయ్యండి) క్యాంపెయిన్‌ను ప్రారంభించారు. ఈ కార్యక్రమం ద్వారా గ్రామీణ ప్రభుత్వ పాఠశాలల్లోని.. ప్రాథమిక సౌకర్యాల లోపాలను ఎత్తిచూపుతూ,.. తల్లిదండ్రులు, సర్పంచ్‌లను సామాజిక తనిఖీలు చేయాలని పిలుపునిచ్చారు. ఈ క్యాంపెయిన్‌కు షారుఖ్ ఖాన్ నటించిన ‘స్వదేశ్’ సినిమా గొప్ప ప్రేరణగా నిలిచిందని దీప్కే స్వయంగా తెలిపారు. ANI న్యూస్ రిపోర్టుల ప్రకారం, దీప్కే.. అమెరికా నుంచి తిరిగి వచ్చి తన స్వగ్రామానికి సేవ చేసే అవకాశం దక్కడం ద్వారా.. తన జీవితం కంప్లీట్ సర్కిల్ అయ్యిందని అన్నారు.