ఆ నివేదిక ప్రకారం.. ఐర్లాండ్ సిరీస్‌కు యువ బ్యాటర్ రుతురాజ్ గైక్వాడ్‌ను కెప్టెన్‌గా నియమించాలని అగార్కర్ భావించారు. అప్పట్లో ఆసియా కప్ తర్వాత జరగనున్న 2023 ఆసియా క్రీడలకు కూడా గైక్వాడ్‌నే కెప్టెన్‌గా ఎంపిక చేయడంతో, ఐర్లాండ్ పర్యటన అతనికి నాయకత్వ అనుభవాన్ని ఇస్తుందని అగార్కర్ యోచించారు.

అయితే, బీసీసీఐ మాత్రం స్టార్ పేసర్ జస్ప్రీత్ బుమ్రా వైపు మొగ్గు చూపింది. గాయం కారణంగా నెలల తరబడి జట్టుకు దూరమైన బుమ్రాకు అదే పునరాగమన సిరీస్. బుమ్రాపై పనిభారాన్ని తగ్గించాలనే ఉద్దేశంతోనే గైక్వాడ్‌కు పగ్గాలు ఇవ్వాలని అగార్కర్ భావించినప్పటికీ, బీసీసీఐ జోక్యం చేసుకుని బుమ్రాకే నాయకత్వ బాధ్యతలు అప్పగించేలా చేసింది. కెప్టెన్సీ చేపట్టేందుకు బుమ్రా చూపిన ఆసక్తే బోర్డు నిర్ణయానికి కారణంగా నిలిచింది. ఆ సిరీస్‌ను భారత్ 2-0తో కైవసం చేసుకుంది.

రోహిత్ శర్మ ఉదంతంలో బోర్డు బాహాటంగా స్టార్ ప్లేయర్‌కు మద్దతు తెలపడంపై అగార్కర్ అసంతృప్తిగా ఉన్నట్లు సమాచారం. బోర్డు వైఖరి కారణంగా సీనియర్ ఆటగాడిని పక్కన పెట్టాలనే నిర్ణయాన్ని అమలు చేయడం ఆయనకు అసాధ్యంగా మారింది. భవిష్యత్తులో అగార్కర్ స్థానంలో పార్థివ్ పటేల్ వచ్చినా లేదా మరొకరు వచ్చినా.. కేవలం కఠినమైన సెలక్షన్ నిర్ణయాలు తీసుకోవడమే కాకుండా, బోర్డు అంతర్గత రాజకీయాలు, ఒత్తిళ్లను సమన్వయం చేసుకోవడం కొత్త చీఫ్ సెలెక్టర్‌కు పెను సవాలుగా మారనుంది.