ఐకాన్ స్టార్ అల్లు అర్జున్, కోలీవుడ్ స్టార్ దర్శకుడు అట్లీ కాంబినేషన్‌లో తెరకెక్కుతున్న పాన్ ఇండియా సినిమా ‘రాకా’పై భారీ అంచనాలు నెలకొన్నాయి. అత్యాధునిక సాంకేతిక పరిజ్ఞానం, హాలీవుడ్ స్థాయి విజువల్స్‌తో రూపొందుతున్న ఈ సినిమా షూటింగ్ ప్రస్తుతం ముంబైలో శరవేగంగా సాగుతోంది. సినిమా కోసం ప్రత్యేకంగా భారీ సెట్లు నిర్మించిన చిత్రబృందం కీలక యాక్షన్, ఎమోషనల్ సన్నివేశాలను అక్కడే చిత్రీకరిస్తోంది. ఇటీవల కుటుంబంతో విదేశీ వెకేషన్ ముగించుకుని హైదరాబాద్‌కు వచ్చిన అల్లు అర్జున్ అభిమానులను కలిసిన అనంతరం తిరిగి ముంబై వెళ్లి షూటింగ్‌లో పాల్గొన్నారు.