ట్రేడ్ వర్గాల్లో వినిపిస్తున్న సమాచారం ప్రకారం.. ‘రాకా’ కోసం అల్లు అర్జున్ సాధారణ ఫిక్స్‌డ్ రెమ్యునరేషన్‌కు బదులుగా ప్రాఫిట్ షేరింగ్ విధానాన్ని ఎంచుకున్నట్లు తెలుస్తోంది. అంటే సినిమా ద్వారా వచ్చే లాభాల్లో కొంత వాటాను పారితోషికంగా తీసుకునేలా ఒప్పందం కుదిరిందనే టాక్ వినిపిస్తోంది.

ఈ సినిమా భారీ విజయాన్ని సాధించి, మంచి లాభాలను అందుకుంటే బన్నీకి ఏకంగా రూ.300 కోట్ల వరకు పారితోషికం దక్కే అవకాశం ఉందనే చర్చ జరుగుతోంది. అయితే ఈ మొత్తానికి సంబంధించి ఇప్పటివరకు ఎలాంటి అధికారిక సమాచారం లేదు. మరోవైపు ‘రాకా’ నిర్మాణానికి సుమారు రూ.600 కోట్ల వరకు బడ్జెట్ అవుతుందనే ప్రచారం ఉంది. ఇందులో దాదాపు 50 శాతం మొత్తం ఇప్పటికే షూటింగ్ దశలోనే ఖర్చయిందనే టాక్ కూడా వినిపిస్తోంది. ఇంత భారీ బడ్జెట్‌తో తెరకెక్కుతున్న ప్రాజెక్ట్ కావడంతో మేకర్స్‌పై ఆర్థిక భారం తగ్గించేందుకు బన్నీ ప్రాఫిట్ షేరింగ్ విధానాన్ని ఎంచుకున్నట్లు సమాచారం.

గత కొన్ని నెలలుగా శరవేగంగా షూటింగ్ జరుపుకుంటున్న ఈ ప్రాజెక్ట్ నుంచి మేకర్స్ తాజాగా ఒక క్రైప్టిక్ పోస్టర్‌ను వదిలారు. డార్క్ బ్యాక్‌డ్రాప్‌లో కేవలం ‘37’ అనే నంబర్‌ను మాత్రమే హైలైట్ చేస్తూ విడుదల చేసిన ఈ లుక్, అభిమానుల్లో క్యూరియాసిటీని అమాంతం పెంచేసింది.

‘పుష్ప’ సిరీస్ తో పాన్ ఇండియా స్థాయిలో తిరుగులేని స్టార్‌డమ్ సొంతం చేసుకున్న అల్లు అర్జున్, ‘జవాన్’ లాంటి వెయ్యి కోట్ల ఇండస్ట్రీ హిట్ తర్వాత అట్లీ తెరకెక్కిస్తున్న చిత్రం కావడంతో ట్రేడ్ వర్గాల్లో సైతం ఈ మూవీపై భారీ అంచనాలు నెలకొన్నాయి. ఈ క్రేజీ ప్రాజెక్టును కోలీవుడ్ అగ్ర నిర్మాణ సంస్థ ‘సన్ పిక్చర్స్’ అత్యంత భారీ బడ్జెట్‌తో, ఎక్కడా రాజీ పడకుండా నిర్మిస్తోంది.